Şoyqunun mətbuat katibi də istefa verdi

Rusiya müdafiə nazirinin mətbuat katibi Rossiyana Markovskaya başqa işə keçməsi ilə əlaqədar istefa verdiyini bildirib.

Publika.az xəbər verir ki, bu barədə "Kommersant" nəşri məlumat yayıb.

Markovskaya 2017-ci ildən hərbi idarənin mətbuat xidmətində çalışıb. Bu zaman müdafiə naziri vəzifəsini mayın 12-də Rusiya Federasiyası Təhlükəsizlik Şurasının katibi vəzifəsinə təyin edilmiş Sergey Şoyqu icra edirdi.

“Müdafiə nazirinin mətbuat katibi kimi təxminən yeddi il MiQ-31 kimi uçdu. Bu vaxtı qürurla xatırlayacağam!” - Roosiyana Markovskaya Instagram sosial şəbəkəsində yazıb. O, yazıya iki fotoşəkil əlavə edib. Onlardan biri Sergey Şoyqu ilə çəkilib.

O, yeni vəzifəsini açıqlamayıb.

Markovskaya 1991-ci ildə Vladivostokda anadan olub. 2013-cü ildə Uzaq Şərq Federal Universitetinin Jurnalistika fakültəsini bitirib, sonra Vladivostok Dövlət Televiziya və Radio Yayımları Şirkəti, “Zvezda” və REN telekanallarında müxbir və aparıcı işləyib. 2017-ci ilin noyabrından o, Sergey Şoyqunun şəxsi mətbuat katibi vəzifəsində çalışıb. Rusiya Federasiyasının 2-ci dərəcəli Dövlət müşaviri rütbəsinə malikdir.

Tural