MDB

İrəvan çevriliş cəhdində Rusiyanı günahlandırdı - Zaxarovadan sərt reaksiya

20 Sentyabr 2024 15:32

"Zamanın necə dəyişməsi heyrətamizdir. Mən Ermənistanda bəzi siyasi xadimlərdən eşitdim ki, hakimiyyəti ələ keçirmək əsl demokratiyadır".

Publika.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova Ermənistanda dövlət çevrilişinə cəhddə Rusiyanın izinin axtarılmasını şərh edərkən bildirib.

“Bir sıra erməni rəsmilərinin Ermənistan İstintaq Komitəsinin dövlət çevrilişinə cəhdin qarşısının alınması, orada hansısa rus izini tapmağa çalışması barədə mesajını yaymaq cəhdləri absurddur. Rəsmi olaraq saxtadır”, - M.Zaxarova bildirib.

O, "Qərbdən fərqli olaraq, Rusiya digər ölkələrin daxili işlərinə qarışmır", - deyə vurğulayıb.

“Təəssüf ki, respublikanın bəzi dairələri son onilliklərdə xəyali Rusiya təhlükəsi axtarmaq yolu ilə rusofobik əhval-ruhiyyənin təbliğinə əl atmış qərblilərin hiyləgər taktikasını mənimsəyir”, - o əlavə edib.

Adəm Abbaslı