Sosial
Ardıcıl 4 gün iş olmayacaq - TARİXLƏR
Azərbaycanda noyabrda baş tutacaq COP29 tədbirinə görə qeyri-iş günlərinin elan olunacağı ilə bağlı tez-tez xəbərlər yayılır.
Publika.az xəbər verir ki, rəsmi olaraq noyabr ayının 8-i və 9-u qeyri-iş günüdür.
Belə ki, noyabrın 8-i Zəfər Günü, noyabrın 9-u isə Dövlət Bayrağı Günüdür.
Əmək Məcəlləsinə və Nazirlər Kabinetinin müvafiq qərarlarına uyğun olaraq, noyabrın 9-u şənbə gününə təsadüf etdiyindən 11-i də qeyri iş günü hesab olunur. Beləliklə, ardıcıl 4 gün - cümə, şənbə, bazar, bazar ertəsi qeyri-iş günü olacaq.
Qeyd edək ki, bəzi saytlarda noyabrın 12-si Konstitusiya Günü də qeyri-iş günü olacağı ilə bağlı məlumat yayılsa da, hələ ki, bununla əlaqədar rəsmi açıqlama yoxdur.
Xatırladaq ki, bir müddət əvvəl Nazirlər Kabinetinin qərarı ilə Azərbaycanda keçiriləcək COP29-la bağlı ümumi təhsil pilləsi üzrə təhsil müəssisələrində (xüsusi təhsil müəssisələri istisna olmaqla) payız tətilinin vaxtı dəyişdirilərək noyabrın 12-dən 22-dək müəyyən edilib. Həmçinin Bakı və Sumqayıt şəhərlərində, Abşeron rayonunda peşə, orta ixtisas və ali təhsil pillələrində noyabrın 12-dən 22-dək distant (məsafədən) formada təhsil tətbiq ediləcək.
Eyni zamanda Nazirlər Kabinetinin müvafiq tapşırığına əsasən dövlət orqanlarında da (qurumlarında) iş rejimi dəyişəcək.
Belə ki, dövlət qurumlarına işə cəlb edilən işçilərin sayının ən çoxu 30 faizə müəyyən edilməsi, işçilərin qalan 70 faizinin məsafədən (evdən) işləmələrinin təmin edilməsi (COP29-la bağlı tədbirdə iştirak edən və təşkilati işlərə cəlb edilən əməkdaşlar istisna olmaqla) tapşırılıb. ("Qafqazinfo")
-
Dünya17:35
NATO Arktikada Rusiya ilə qarşıdurmaya hazırlaşır – Bunun üçün bu mərkəzi yaradır
-
Dünya16:52
Yeni böhran zonası: ABŞ ora qoşun yeritdi
-
Region16:09
TƏCİLİ: Rusiyadan Paşinyanın ofisinə hücum edildi - 48 saat vaxt verilib
-
Nida Xəbər 15:32
Türk dünyasına kəsə yolla bağlanacağıq - Zəngəzur dəhlizi ilə bağlı açıqlama
-
Hadisə14:32
Bakıda tələbələr arasında dava - 1 nəfərə 5 xəncər zərbəsi vuruldu
-
Nida Xəbər 13:37
Baş nazir daha bir qərar imzaladı
-
Cənubi Qafqaz13:03
KTMT Ermənistana təhdiddir - Nikol son nöqtəni qoydu
-
İdman12:32
ÇL-ə qayıdan klubun cazibədar aparıcısı: Azarkeşlər onu niyə sevir? - FOTOLAR