MDB ölkələrinin liderləri arasında münasibət necədir? - Peskov AÇIQLADI

"Müstəqil Dövlətlər Birliyi (MDB) ölkələrinin liderləri arasında münasibətlər illər ərzində və dünyada gedən mürəkkəb proseslərlə sınaqdan çıxıb".

Publika.az "Zvezda"ya istinadla xəbər verir ki, bunu Rusiya Prezidentinin mətbuat katibi Dmitri Peskov deyib. Bu

Onun sözlərinə görə, bu münasibətlər kifayət qədər mürəkkəb mühit, siyasətdə və qlobal iqtisadiyyatda mürəkkəb proseslərlə sınaqdan keçirilib.

Həmçinin o bildirib ki, MDB dövlət başçıları faşizmin, nasizmin, militarizmin dirçəlişinin qarşısını almağa çağırıblar.

Qeyd edək ki, oktyabrın 8-də Rusiya Federasiyasının Prezidenti Vladimir Putin bildirib ki, gələn il MDB ölkələri Böyük Vətən Müharibəsində Qələbənin 80 illiyini birgə qeyd edəcəklər. Rusiya lideri vurğulayıb ki, Birlik ölkələrində bu, nasizmlə mübarizədə sülh və birlik ili olacaq. Putin MDB ölkələrinə əmək şöhrəti şəhəri adının təsis edilməsini və Böyük Vətən Müharibəsində qələbəyə xüsusi töhfə vermiş şəhərlərə verilməsini də təklif edib.

Qeyd edək ki, Azərbaycan Prezidenti İlham Əliyev qeyd edib ki, MDB ölkələri üçün 9 May Qələbə Günü gələcək əməkdaşlıq üçün mühüm amildir.

Hüseyn İbadlı