Sirli ölüm: Priqojinin "sağ əli"nin cəsədi görün haradan tapıldı - FOTO

Kareliya Respublikasında "Vaqner" özəl hərbi şirkətinin rəhbəri Yevgeni Priqojinin yaxın adamlarından biri olan Andrey Tkaçenko ölü tapılıb.

Publika.az xəbər verir ki, bu barədə Rusiyanın Teleqram kanalları məlumat yayıb.

Bildirilib ki, Tkaçenko bu ilin yayına qədər Ukraynaya qarşı müharibədə iştirak edib. Oktyabr ayında o, dostları və 8 yaşlı oğlu ilə balıq tutmaq qərarına gəlib. Oktyabrın 28-də Tkaçenko dostu və oğlu ilə qayıqla Segozero gölünə yollanıb, onlar sahildən 400 metr aralıda olublar:

"Tezliklə şok vəziyyətində olan bir uşaq sahilə çıxdı və bir az sonra Tkaçenkonun dostunun cəsədi orada tapıldı", - məlumatda deyilir.

Noyabrın 3-də isə xilasedicilər Tkaçenkonun cəsədini göldə tapıblar. Məlumata görə, o, Priqojin üçün "ən gizli" tapşırıqları yerinə yetirib. Məsələn, o, Afrikada bir sıra xüsusi layihələrə nəzarət edib, həmçinin Rusiyanın xarici işlər naziri Sergey Lavrovun kürəkəni üzərində monitorinq aparıb.

Tkaçenko tutulub və dövlətə xəyanət ittihamı ilə hədələnib, ona görə də o, Priqojin və onun təhlükəsizlik xidmətinin rəhbəri Aleksandr Maloletkoya qarşı ifadə verməyə başlayıb. Sadəcə olaraq, “Vaqner” rəhbərinin adı işdən çıxarılsa da, onun “sağ əli” hakim qarşısına çıxarılıb. Bundan sonra o, Tkaçenkodan qisas alacağına söz verib.

Akqabay