Mətbəx

Asan hazırlanan darçınlı şirniyyat

26 Noyabr 2015 17:00

Bir çox restoranlarda çayın yanında almalı, darçınlı şiniyyat verilir. Bu dadlı şirniyyatı ev şəraitində hazırlaya bilərsiniz. Publika.az asan hazırlanan darçınlı şirniyyatın reseptini təqdim edir:

Tərkibi:

3 ədəd alma

1 stəkan su

2 xörək qaşığı qarğıdalı unu

2 çay qaşığı darçın

1 çay qaşığı təzə limonun şirəsi

7-8 ədəd lavaş

Yarım kasa şəkər tozu

Duz

Qızartmaq üçün yağ

Hazırlanması:

İçliyi hazırlamaq üçün su, qarğıdalı unu, duz və limon şirəsini qarışdıraraq qaynadın. 5 dəqiqə sonra nisbətən qatılaşan qarışığa almaları əlavə edin. Almalar yumşalana kimi bişirin. İçlik hazır odluqdan sonra soyumağını gözləyin.

Kənarda bir qabda darçınla şəkər tozunu qarışdırın. Darçınlı qarışığı almalı içliyə əlavə edin. İçliyi lavaşın üzərinə yayıb, lavaşa istədiyiniz formanı verin. Lavaşları yağda qızardın. Şirniyyatı süfrəyə dondurma ilə verə bilərsiniz.

Nuş olsun!