“Payızgülü” - ətli piroq

Publika.az-ın mətbəx bölməsi dadlı piroqun reseptini təqdim edir:

İnqrediyentlər:

Ət qiyməsi (donuz əti və ya mal) - 500 qram

Soğan - 1 ədəd

Sarımsaq - 1 diş

Su - 100 ml.

Toyuq bulyonu kubiki - 1 çay qaşığı

Pendir - 140 qram

Kərə yağı - 30 qram

Zövqə görə duz, qırmızı və qara istiot

Xəmir üçün:

Süd - 125 ml.

Qatıq - 125 ml.

Quru maya - 1 paket, 7 qram

Şəkər tozu - 1 xörək qaşığı

Duz - 1 çay qaşığı

Yumurta - 1 ədəd

Un - 500 qram

Bitki yağı - 6 xörək qaşığı

Hazırlanma qaydası:

Südə maya, şəkər əlavə edib 15-20 dəqiqə kənarda saxlayın ki, şişsin.

Südü, qatığı, şəkər tozunu, duzu, yumurtanı və bitki yağını yaxşıca qarışdırıb mayanı və ələnmiş unu əlavə edib yumşaq xəmir yoğrulur. Üzərini plyonka ilə örtüb 1 saat isti yerdə saxlayın. Sonra xəmiri iki bərabər hissəyə bölün.

Bir hissəni yenidən öz qabına qaytarıb üzərini örtün.

İkinci hissədən 3-4 mm qalınlığında yuxa yayın, lazım olduca un əlavə edin. Diametri 7,5 - 8 mm olan stəkanı yuxanın üzərinə qoyub kiçik kürəciklər kəsin. Yerdə qalan qalıq xəmirləri yenidən birləşdirin və eyni qaydada yayıb kəsin.

Stəkanın ağzı ilə kəsdiyiniz yuxaların içərisinə 1 çay qaşığı çiy içlik və bir çimdik pendir qoyun.

Sonra aşağıdakı fotolardakı kimi bağlayın.

Soba tavasını bitki yağı ilə yağlayın, eyni zamanda soba tavasına yağlı kağız sərin. Onun da üzərini yağlayın.

Hazırladığınız payızgülü formasında xəmiri yanaşı düzün. Xəmir bitəndə yerdə qalan xəmirdən eyni qaydada yuxa kəsib hazırlayın.

Südlə yumurtanın ağını qarışdırın, üzərinə sürtün.

180 dərəcə isidilmiş sobada 35-40 dəqiqə bişirin. Bişməyinə 15 dəqiqə qalmış temperaturu 170 dərəcəyə endirin. Hazır olanda üzərinə kərə yağı çəkin və 15 dəqiqə gözləyin.

Nuş olsun!