"Qarpız dilimi" - salat

Publika.az-ın mətbəx bölməsi “Qarpız dilimi” salatının reseptini təqdim edir:

İnqrediyentlər:

Toyuq filesi - 400 qram

Yumurta - 3-4 ədəd

Bərk pendir - 150-200 qram

Pomidor - 2 ədəd

Xiyar - 2 ədəd

Baş soğan - 1 baş

Zeytun (bəzək üçün)

Mayonez

Hazırlanması:

Əvvəlcə soğanı marinə edin. Bunun üçün yarım stəkan suya 1 çay qaşığı şəkər tozu, 2 çay qaşığı 9 faizli sirkə əlavə edin. Doğranmış soğanı 15-20 dəqiqə həmin qarışıqda saxlayın.

Toyuq ətini duzlu suda qaynadın. Kub formasında doğrayın. Yumurtanı qaynadıb qabığını təmizləyin.

Salat qabına toyuğu aypara formasında yığın. Üzərinə mayonez çəkin. Daha sonra marinə olunmuş soğanı yığın. Mayonez çəkin və yumurtanı səpin. Sürtgəcdən keçirilmiş Holland pendirini də üzərinə səpin. Pendirin bir hissəsinə mayonez çəkməyin, çünki o qarpızın ağ mətini xatırlatmalıdır. Bundan sonra xiyarı sürtgəcdən keçirib duzlayın və pendirin yanında aypara formasında düzün. Salatın sulu olmaması üçün xiyarın öncədən suyunu sıxmaq lazımdır. Bu da qarpızın qabığını əvəz edəcək.

Pomidoru xırda-xırda doğrayıb ayparanı tamamlayın.

Qarpız tumlarını qara zeytundan hazırlaya bilərsiniz.

Nuş olsun!

Banu