"Taliban"ın girə bilmədiyi, müqavimətin qalası olan Pəncşirdən SON GÖRÜNTÜLƏR - FOTO
Bizi izləyin

Yaxın Şərq

"Taliban"ın girə bilmədiyi, müqavimətin qalası olan Pəncşirdən SON GÖRÜNTÜLƏR - FOTO

Türk mətbuatı Əfqanıstanda "Taliban"ın girə bilmədiyi yeganə bölgə olan Pəncşirə daxil olub, oradan son görüntüləri yayımlayıb.

Publika.az xəbər verir ki, "Anadolu" agentliyi tərəfindən çəkilən fotoşəkillərdən aydın olur ki, sanki bölgə hərbi hissəyə çevrilib.

Əfsanəvi komandir Şah Məsudun oğlu Əhməd Məsudun rəhbərliyi altında təşkilata qarşı müqavimət başladılıb. Yüksək dağlarla əhatə olunmuş strateji əhəmiyyətli Pəncşirin girişində Məsudun silahlı qüvvələri şəhərə girən və çıxan hər kəsi nəzarətdə saxlayır.

80-ci illərdə Əfqanıstanın sovet işğalına qarşı müqavimətin ən önəmli liderlərindən olan Əhməd Şah Məsudun doğma əyaləti olan Pencşir demək olar ki, hərbi libasa bürünüb.

"Taliban" şəhərə girə bilmədi

"Taliban" Pəncşirə daxil ola bilməyib. Təşkilatın sözçüsü Zabihullah Mücahid avqustun 22-də verdiyi açıqlamada Pəncşirin "Taliban" tərəfindən mühasirəyə alındığını söyləyib. Mücahid bğlgədəki qüvvələrin təslim edilməsi və bu şəhərin "Taliban"a təhvil verilməsi ilə bağlı danışıqların davam etdiyini və bu problemin masada həll edilməsinin tərəfdarı olduqlarını bildirib.

Şəhərə daxil olan hər kəs bir-bir yoxlanılır

Strateji əhəmiyyətli, yüksək dağlarla əhatə olunan Pencşirin girişində Məsudla əlaqəli silahlı şəxslər şəhərə girən və çıxan hər kəsi yoxlayır. Bölgədə "Taliban"a müqavimət göstərən Məsud qüvvəsinin sayı dəqiq bilinmir.

Qeyd edək ki, "Taliban"ın 1996-2001-ci illərdə Əfqanıstanı idarə edərkən də edilən hücumlara müqavimət göstərib. Digər tərəfdən, Əfqanıstanı tərk edən keçmiş prezident Əşrəf Qaninin birinci müavini Əmrullah Salehin Əhməd Məsud qüvvələrinə dəstək vermək üçün bu şəhərdə olduğu söylənilir.

Akqabay

Oxumağa davam et
Reklam
Reklam

Gündəm