Netanyahu Makronun cavabını belə verdi: Tarixdən xəbəri yoxdur

İsrailin baş naziri Benyamin Netanyahu hesab edir ki, Fransa prezidenti Emmanuel Makron İsrail dövlətinin BMT-nin qətnaməsi əsasında yarandığını bəyan etməklə tarixdən xəbərsiz olduğunu və hörmətsizlik nümayiş etdirib.

Publika.az xəbər verir ki, Netanyahu bu barədə “Le Figaro” qəzetinə müsahibəsində bildirib.

“Bu, tarixdən xəbərsizliyi və hörmətsizliyi göstərir. BMT yəhudi xalqının dövlət hüququnu tanıdı, lakin təbii ki, onu yaratmadı”, - Netanyahu deyib.

Onun sözlərinə görə, İsrail Müstəqillik Müharibəsi nəticəsində dövlətçilik əldə edib.

Netanyahu əlavə edib ki, BMT “1948-ci il müharibəsində iştirak etməyib”, lakin “Holokostdan və Vişi rejimindən sağ çıxan insanlar iştirak edib”. Sonuncu halda söhbət İkinci Dünya Müharibəsi zamanı alman işğalı zamanı fəaliyyət göstərən Fransanın kollaborsionist hökumətindən gedir. “Buna görə də BMT-nin İsrail dövlətini yaratdığını söyləmək tarixin üzücü təhrifidir”, - deyə Netanyahu yekunlaşdırıb.

Daha əvvəl “Le Parisien” qəzeti mənbələrə istinadla yazıb ki, Nazirlər Şurasının qapalı iclasında Makron bildirib ki, Netanyahu BMT-nin qətnaməsi əsasında ortaya çıxan yəhudi dövlətinin yaranma şəraitini xatırlamalıdır.

Tural