Nəqliyyat

Əl yüklərinin saxlanılması tarifləri qüvvəyə mindi

22 Fevral 2017 11:19

Saxlama kameralarında əl yüklərinin saxlanılması tarifləri ilə bağlı qərar qəbul edilib.

“Azərbaycan Dəmir Yolları” Qapalı Səhmdar Cəmiyyətinin İdarə Heyəti saxlama kameralarında əl yüklərinin saxlanılması tarifləri ilə bağlı qərar qəbul edib.

QSC-dən Publika.az-a verilən məlumata görə, qərarda Sərnişin daşımaları Departamentinin təkliflərinə əsasən, 17 fevral 2017-ci ildən etibarən saxlama kameralarında əl yüklərinin saxlanılması tarifləri aşağıdakı kimi müəyyən edilib:

(manatla)

Müddət	Bölmə			Qeyd
Müddət	Kiçik həcmli	Orta həcmli	İri həcmli	Qeyd
4 saatadək	1,0	2,0	3,0
Əlavə hər saat üçün	0,20	0,30	0,50

Qeyd edək ki, “Azərbaycan Dəmir Yolları” Qapalı Səhmdar Cəmiyyətinin yaradılması haqqında Azərbaycan Respublikası Prezidentinin 20 iyul 2009-cu il tarixli Sərəncamına dəyişikliklər edilməsi və “Azərbaycan Dəmir Yolları” Qapalı Səhmdar Cəmiyyətin fəaliyyətinin təkmilləşdirilməsi ilə bağlı tədbirlər barədə” Azərbaycan Respublikası Prezidentinin 18 sentyabr 2015-ci il tarixli Fərmanının müvafiq yarımbəndinə əsasən dəmir yolu daşımalarında tariflər, yığımlar Cəmiyyət tərəfindən müəyyən olunur.