Nəqliyyat
Metroda mühüm YENİLİK - FOTO
Metronun istismarda olan qatarların xətdə hərəkəti zamanı maşinistlə dispetçerin əlaqəsini təmin edən radiorabitə bundan sonra keyfiyyəti ilə seçilərək daha da yaxşılaşdırılacaq. Bu məqsədlə artıq qatarlarda mövcud radiostansiya qurğularının yeniləri ilə əvəzlənməsinə başlanılıb.
“Bakı Metropoliteni” QSC-dən Publika.az-a verilən məlumatda bildirilir ki, hərəkətin təşkilində, nizamlanmasında və bununla hərəkətin təhlükəsizliyinin təmin edilməsində elektrik qatarı maşinisti ilə dispetçerin əlaqəsi mühüm əhəmiyyət kəsb edir.
“Qatar dispetçeri metropoliten xəttində sərnişin qatarlarının
hərəkətinə rəhbərlik edir, qatarların hərəkət qrafikinin yerinə
yetirilməsinə cavabdehlik daşıyır. Məhz onun qərarı və verdiyi
göstərişlər sayəsində qatarların nizamlı hərəkəti təmin edilir.
Qatarların maşinist kabinasında quraşdırılan yeni RVS tipli
radiostansiyalar, səs gücləndiricilər və radioinformatorlar 1978-ci
ildən istismarda olan əvvəlki analoqları ilə müqayisədə keyfiyyəti
və yüksək standartlara cavab verməsi ilə seçilir.
Hazırda əvəzlənməkdə olan RTM tipli radiostansiyaların istismardan
çıxarılmasına zərurət onların istehsalının dayandırılması, ehtiyat
hissələrinin tapılmamasıdır. Bu isə avadanlığa qulluğun hədsiz
dərəcədə çətinləşməsinə gətirib çıxarıb. Ən əsası, dispetçerlə
əlaqənin keyfiyyətinin də xeyli aşağı düşməsinə səbəb olub.
Yeni avadanlıq yığcamlığı, sadəliyi və qulluğunun asanlığı ilə
seçilir. Onların quraşdırılması, sazlanması da çox vaxt tələb
etmir. O, çoxkanallı olduğu üçün əlaqəni daha çeşidli və geniş
şəkildə təmin etməyə imkan verir. Artıq yeni radiostansiya
vasitəsilə maşinistlər dispetçerlə yanaşı, digər kanallardan
birindən istifadə etməklə xətti məntəqədə təlimatçı-maşinistlə də
müstəqil və daha rahat ünsiyyət qura bilirlər. Onu da əlavə edək
ki, qatarların hərəkəti zamanı təlimatçılar qatar maşinistinin
işinə nəzarət edir, onu yönəldir və müxtəlif vəziyyətlərdə ona
kömək edirlər. Gələcəkdə xidməti tələbat yaranarsa, yeni
radiostansiyanın digər kanallarından da istifadə edilməsi mümkün
olacaq”.
Məlumatda bildirilir ki, bu avadanlıq qatarın hər iki başında
maşinist kabinasında və onun idarəetmə şkafında quraşdırılır.
Quraşdırma başa çatdıqdan sonra qatarlar yeni rabitə formatı ilə
sınaqdan çıxarılaraq xəttə buraxılır.
İlkin olaraq, 52 belə radiostansiyanın quraşdırılmasına başlanılıb.
Mərhələli şəkildə təmirə dayanan qatarların hər birində yeni
sistemin quraşdırılması davam edəcək.
-
Magazin200:50
Bu, yarıçılpaqlıq və ya "kim daha gözəldir?" yarışı deyil - Türk aktrisalar tənqid edildi
-
Qoroskop00:31
Günün qoroskopu: yaşamınızda yeni mövzu və məqsəd yaranır
-
Magazin120 May 23:04
Roza Zərgərli bu FOTOlarla gündəmə gəldi
-
Region20 May 22:00
Türkiyədə matəm elan edildi
-
Region20 May 21:40
Rəisinin dəfn mərasimi bu şəhərdə keçiriləcək: tarix dəqiqləşdi - YENİLƏNDİ
-
Magazin120 May 20:50
Xalq artisti rəqqasələri topa tutdu: Pula görə özlərini alçaldırlar
-
Region20 May 20:25
İranda prezident seçkilərinin keçiriləcəyi tarix AÇIQLANDI
-
Nida Xəbər 20 May 19:38
Körpü Azərbaycanın nəzarətinə keçdi: Ermənistan Kirants kəndinə dolama yol çəkir