.jpg)
Milli Məclisin bu gün keçirilən plenar iclasında “Azərbaycan Respublikası Dövlət Sosial Müdafiə Fondunun 2016-cı il büdcəsi haqqında” qanunun layihəsi müzakirə edilib.
Publika.az-ın məlumatına görə, qanun layihəsi ilə bağlı çıxış edən Milli Məclisin sosial siyasət komitəsinin sədri Hadı Rəcəbli deyib ki, Dövlət Sosial Müdafiə Fondunun 2016-cı il büdcəsinin gəlirləri 3 milyard 78,6 milyon manat nəzərdə tutulur: “Bu göstərici cari illə müqayisədə 0,7 faiz çoxdur. 2016-cı ildə fondun gəlirləri ilə xərcləri üst-üstə düşür. Gələn ildə pensiyaçılara olunacaq ödəmələrə 2 milyard 923 milyon 588 min manat vəsait ayrılıb. Dövlət büdcəsindən DSMF-yə transferin həcmi dəyişdirilmir, cari ildəki kimi qalıb”.
Daha sonra qanun layihəsi səsə qoyularaq qəbul edilib.
Vasif Həsənli
