Nida.az

2016-cı ilin planı: Qarabağda müharibə və Qafqazın ələ keçirilməsi - İDDİA

25 Dekabr 2015 14:00

Ukraynanın “UNİAN” agentliyi Rusiyanın yeni il menyusunda nələrin olduğuna dair iddialar irəli sürüb.

Publika.az xəbər verir ki, agentlik 2016-cı ildə Dağlıq Qarabağ münaqişəsinin qaynar nöqtəyə çevriləcəyini iddia edib.

“2016-cı ildə Dağlıq Qarabağın qaynar münaqişə nöqtələrindən biri olması ehtimal var. Azərbaycan və Ermənistanı hərbi qarşıdurmaya sürükləmək Moskva üçün sərfəlidir. Bu, Xəzər qazını Avropaya nəql etmək üçün həyata keçirilən TANAP layihəsinin inşasını dayandıra bilər. Yeni Qafqaz müharibəsi ilə Rusiya Avropaya inteqrasiya yolunu seçən Gürcüstanın inkişafını dayandıra və bu ölkəyə qarşı hərbi addımlar ata bilər. Qafqaz müharibəsi Donetsk və Krımda da analoji hadisələrin baş verməsinə səbəb ola bilər”, - deyə agentliyin iddiasında deyilir.

Asif Nərimanlı