Nida.az
Rusiya Qarabağa qoşun yeritməyin yollarını axtarır - ABŞ kəşfiyyatı
“Rusiya İrana qədər tranzit şəbəkəsini genişləndirmək istəyir, lakin bu, ağır olacaq. Xüsusilə Qafqaz bölgəsi Moskvanın qarşısında maneədir”.
Publika.az xəbər verir ki, bu barədə ABŞ
kəşfiyyatının “kölgəsi” hesab olunan “Stratfor” mərkəzi yazıb.
Məqalədə qeyd olunur ki, Tehran və Moskva Qafqaz bölgəsini maneə
olaraq aradan qaldırmaq üçün səylərini birləşdirəcəklər: “Onlar
başqa böyük dövlətin bu bölgədə olmağını istəmirlər. Hələlik,
Rusiya Cənubi Qafqaz vasitəsilə İrana iki yol açmağı bacarıb.
Birincisi, Xəzər dənizinin sahil boyunca Azərbaycandan, ikincisi
isə Gürcüstanın ərazisinə daxil olan dağlardan keçir. Birinci yol
Azərbaycan və İran arasındakı tarixi gərginliyə görə bağlanıb.
İkinci yol isə qış vaxtı keçilməz olur və avtomobillər gedə bilmir.
Buna görə də Rusiya, İran və Ermənistan quru ticarət yolunun
genişləndirilməsinə çalışırlar”.
Mərkəz yazır ki, bu problemlərə görə son iki ildə Rusiya İrana daha
etibarlı nəqliyyat dəhlizi tapmağa çalışır: “Variantlardan biri
kimi Xəzər sahilindən keçən dəmir yolunun tikintisinə baxılır.
2014-cü ilin sonunda Rusiyanın istismar olunan dəmir yolları İranın
dəmiryol şəbəkəsi ilə birləşdi. Burada birləşdirici nöqtələr
Qazaxıstan və Türkmənistan ərazisindən keçirdi. Tehran həmin
vaxtdan başlayaraq İran Astarasına qədər uzanan Qəzvin-Rəşt dəmir
yolunu çəkməyə başlayıb. Tikinti tamamlanandan sonra bu yol
Azərbaycanın dəmir yolu sistemi ilə birləşdiriləcək və Rusiyaya
çıxış əldə edəcək. Amma hərbi texnikanı keçirmək üçün Rusiyaya
avtomobil yolu lazımdır. Bu variant isə avtomobil yolu üçün sərfəli
deyil. Azərbaycan və Türkmənistan öz ərazilərindən hərbi texnikanın
daşınmasına icazə vermirlər. Bu baxımdan, Rusiya alternativ
dəhlizləri tapmaqdan ötrü fəaliyyətini genişləndirir. Mümkün
variantlardan biri Şimali Qafqazdan Cənubi Osetiyaya qədər yolun
çəkilməsidir ki, bu da Gürcüstan və Azərbaycan limanları ilə
birləşən “Şərq-Qərb” avtomobil magistralına qoşula bilər. Digər
variant Şimali Qafqazın Alaqir şəhəri ilə Gürcüstanın Qori şəhəri
arasında 160 kilometrlik dəmiryolu xətti tikməkdir. Bu, Rusiyanın
Cənubi Qafqazın bütün ölkələrinə çıxışını asanlaşdıra bilər.
Daha bir variant isə Gürcüstandan qopardılmış Abxaziya ərazisindən keçən dəmiryolu xəttidir. Lakin ağlasığmazdır ki, rəsmi Tiflis nə vaxtsa Rusiyaya bunu reallaşdırmağa icazə versin”.
“Stratfor” qeyd edir ki, bütün maneələrə baxmayaraq, Moskva və
Tehran öz niyyətlərindən imtina etmir.
Məqalədə Cənubi Qafqazın tranzit şəbəkəsi uğrunda mübarizənin
artdığı vurğulanır.
“Qafqazda Rusiyanın mövcudluğuna maneələr böyüyüb və hərbi
eskalasiya üçün potensial şərait yaranıb. Moskva tranziti həm də
ona görə ələ almaq istəyir ki, baş verə biləcək konfliktlərə dərhal
müdaxilə edə bilsin. Belə təhdidlərdən biri Azərbaycan və
Ermənistan arasında ola bilər. Qarabağ münaqişəsi potensial
müharibə təhlükəsi ilə çox yüklənib. Bu baxımdan, Cənubi Qafqazın
nəqliyyat dəhlizlərini ələ almaq Rusiyaya həm də Qarabağda müharibə
olacağı təqdirdə bölgəyə daha böyük hərbi güc transfer edə bilmək
üçün vacibdir. Lakin Azərbaycan, Türkiyə və Gürcüstan arasında
yüksələn hərbi əməkdaşlıq bölgədə əsas gücə çevrilməkdədir.
Dolayısı ilə bu NATO-nun da bölgəyə nüfuz etməsinə imkan yaradır.
Belə bir vaxtda İranla Rusiya da Qərb qarşı bölgədə möhkəmlənmək
niyyətindədir”, - deyə “Stratfor” qeyd edir.
Asif Nərimanlı
-
Rəsmi xronika16:53
İlham Əliyevin Almaniya XİN rəhbəri ilə görüşü keçirilir
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq