Nida.az
Ankara Qarabağın “donunu” açır: Kreml hərəkətə keçdi – GİZLİ MÜHARİBƏ
Dağlıq Qarabağ münaqişəsində vəziyyət sürətlə kəskinləşir. Azərbaycan Müdafiə Nazirliyinin məlumatında deyilir ki, erməni silahlı bölmələri cəbhənin müxtəlif istiqamətlərində iriçaplı pulemyotlardan istifadə etməklə sutka ərzində atəşkəs rejimini ümumilikdə 125 dəfə pozub. Bundan bir gün öncə isə düşmən tərəfi atəşkəs rejimini 120 dəfə pozmuşdu.
Azərbaycan Silahlı Qüvvələri düşməni cavab atəşi ilə susdurur.
Lakin mövcud vəziyyət ciddi gərginlikdən xəbər verir və təəccüblü
deyil ki, erməni tərəfi işğalçı siyasətlərinin ifşa olunduğu,
xüsusilə diplomatik uğursuzluqlar yaşadığı dövrdə hücumlarını
genişləndirirlər.
AŞPA-nın 2-29 yanvar tarixlərində Strasburqda keçirilən qış
sessiyasında Ermənistan işğalçılığını ifşa edən iki qətnamənin
müzakirəyə çıxarılması da erməni silahlı bölmələrinin cəbhədə
təxribatlara əl atacağı gözləntisini yaratmışdı. Belə ki,
“Azərbaycanın Dağlıq Qarabağ və işğal edilmiş digər ərazilərində
zorakılığın artması” və işğal altında olan Sərsəng su anbarı ilə
bağlı “Azərbaycanın sərhədyanı regionlarının əhalisi qəsdən içməli
sudan məhrum edilirlər” qətnamələri AŞPA-da müzakirəyə çıxarıldı.
Birinci qətnamə çox az fərqlə qəbul olunmadı. Burada da, din
amilindən tutmuş, erməni lobbisinin açıq şəkildə maneələr yaratması
rol oynadı. Lakin ikinci qətnamə qəbul olundu və bu Azərbaycan
torpaqlarının Ermənistan tərəfindən işğal edilməsi faktını konkret
müddəalarla ortaya qoyur. Belə bir məqamda erməni hərbi
bölmələrinin cəbhədə aktiv şəkildə atəşkəsi pozması təəccüblü
görünmür.
Azərbaycan Silahlı Qüvvələrinin düşmənə verdiyi cavabın əks-sədası
isə daha böyükdür. Ermənistan mediasında yayılan məlumatlar,
Azərbaycan Ordusunun cavab atəşindən sərhədyanı ərazilərdə yaşayan
ermənilərlə yanaşı, İrəvanın da təşvişə düşdüyünü göstərir.
Bununla yanaşı, Rusiya mediası da Qarabağda müharibənin başlaması
ehtimalından qorxurlar. Xüsusilə rusiyalı politoloqlar Türkiyənin
Bakıya dəstək verərək, Dağlıq Qarabağda müharibəyə başlayacağı ilə
bağlı narahatlıqlarını dilə gətirirlər.
“Ankara Qarabağın “donunu” açır”, - deyə “Svoboda
Pressa” nəşri yazır.
Rusiyalı politoloq Sergey Yermakov isə hesab edir
ki, Türkiyə ilə Rusiyanın münasibətlərinin kəskinləşməsi Dağlıq
Qarabağda müharibəni alovlandıra bilər: “Son vaxtlara qədər
Türkiyənin Qafqazla bağlı siyasəti elastik idi. Lakin indi Ankara
düz xətlə hərəkət edir və Azərbaycan yaranmış vəziyyətdən istifadə
edərək, ərazilərini geri qaytarmaq üçün gücə əl ata bilər. Bəlkə də
Türkiyənin iştirakı ilə Dağlıq Qarabağ problemi həll olunmayacaq.
Lakin bütün hallarda münaqişənin donu açıla bilər və bu,
status-kvonu dəyişmək üçün Bakıya sərf edir”.
S. Yermakov müharibənin Rusiyaya xeyir vermədiyi fikrini müdafiə
edir. Lakin o, eyni zamanda, Qarabağda baş verə biləcək müharibənin
Kollektiv Təhlükəsizlik Şurası Təşkilatının post-sovet məkanında
hərbi aktivliyinin artması ilə nəticələnə biləcəyini düşünür.
“Rusiya güman ki, müharibədən bu istiqamətdə istifadə edəcək.
Xüsusilə Moskva Ermənistana dəstək verməklə, qarşıdakı dövrdə Orta
Asiya regionunda hərbi aktivliyini artıracaq”, - deyə politoloq
bildirir.
Rusiyanın Şərqşünaslıq İnstitutunun beynəlxalq təhlükəsizlik
problemləri üzrə aparıcı elmi işçisi Aleksey
Fenenko hesab edir ki, Türkiyə Qarabağı qaytarmaq üçün
Azərbaycana hərtərəfli yardım edə bilər: “Amma Türkiyənin
özü hazırda bir neçə cəbhədə münaqişəyə cəlb olunub. Biz başqa
məqamı da unutmamalıyıq. Regionda vəziyyətin kəskinləşməsində ABŞ
və Britaniya da maraqlıdır. 2014-cü ildə Krımın birləşdirilməsindən
dərhal sonra, Amerika və Britaniya analitikləri belə nəticəyə
gəldilər ki, Rusiya Qara dənizdə üstün mövqelərini bərpa edir. Onda
ABŞ-ın vitse-prezidenti Cozef Bayden qeyd etdi ki, Krımın
Ukraynadan ayrılmasından və Abxaziyaya ittifaq nəticəsində Rusiya
Qara dənizdə hakim mövqeyə sahib olur. Həqiqətən də bunun fonunda
Rusiya-Türkiyə əməkdaşlığı olsaydı, Moskva 1830-cu illərin çar
strategiyasını reallaşdırardı. Yəni boğazlar üzərində nəzarəti ələ
almaq və Türkiyə ilə ittifaqa girərək, Qara dənizə daxil olmaq. ABŞ
və Britaniya Rusiya-Türkiyə münasibətlərini dağıtmaq üçün hər şeyi
etdi. Hazırda onlar razıdır. Hesab edirəm ki, ABŞ və Qərb
dövlətləri Rusiya-Türkiyə münaqişəsini daha da qızışdırmaq üçün
Qarabağ müharibəsini də başladacaqlar”.
“Yaxın Şərq - Qafqaz” tədqiqatlar mərkəzinin direktoru
Stanislav Tarasov isə hesab edir ki, artıq Bakının
səbri tükənir.
“Bakı bunu dəfələrlə qeyd edib, amma hesab edirəm ki, bu dəfə
həqiqətən də onun səbri dalana dirənib. Xüsusilə AŞPA-dakı son
proseslər və Minsk qrupu həmsədrlərinin məlum qətnamə ilə bağlı
Azərbaycanı özündən çıxartdı. Birbaşa birinci şəxs səviyyəsində bu
məsələ dilə gətirildi. Lakin hesab edirəm ki, bu çox təhlükəli
vəziyyətdir. Ümid edirəm ki, Dağlıq Qarabağda yeni müharibənin
reallaşması gerçək olmayacaq”, - deyə ekspert vurğulayıb.
Asif Nərimanlı
-
Maraq dünyası02:19
Dünyanın ən lənətlənmiş adası: Kim yaşadısa... - FOTO
-
Region01:50
İranda qadın alveri və intim xidmətlər barədə ŞOK FAKTLAR - VİDEO
-
İdman01:08
"Real" ÇL-nin finalında! - VİDEO/YENİLƏNDİ
-
Region00:45
Putinlə Paşinyanın görüşü başa çatdı - YENİLƏNDİ
-
Qoroskop00:35
Günün qoroskopu: nüfuzlu insandan dəstək ala bilərsiniz
-
Hadisə8 May 23:34
Xırdalanda küçə itləri qadını dişlədi - ANBAAN VİDEO
-
Hadisə8 May 21:59
Hoteldə zəhərlənən dostlarla bağlı FAKTLAR: Qonaqlıq buna görə təşkil edilibmiş... - FOTO
-
Qoroskop8 May 20:55
Yeni ay bu 3 bürcü sevindirəcək – Şans onlardan yanadır