Nida.az

Viktor Yuşşenko: “Rusiya olmasaydı, Qarabağ münaqişəsi çoxdan həll olunardı”

10 Mart 2016 17:48

“Avropada 7 münaqişə var ki, onun 6-sı Şərqi Avropadadır. Bütün bu münaqişələr etnik deyil, hamısı geosiyasi məqsədlər daşıyan münaqişələrdir”.

Publika.az xəbər verir ki, bu sözləri Qlobal Bakı Forumunda çıxışı zamanı Ukraynanın sabiq prezidenti Viktor Yuşşenko bəyan edib.

Sabiq prezident bildirib ki, bu münaqişələr yalnız Rusiya qoşunları həmin regionlardan çıxarıldığı təqdirdə həll oluna bilər: “Bunun üçün də Avropa ölkələri Rusiyanın münaqişə yaratmaq siyasətinə qarşı birgə əməkdaşlıq etməlidir”.

V.Yuşşenko deyib ki, Dağlıq Qarabağ münaqişəsinin indiyədək həll olunmamasının əsas səbəbi Rusiya ilə bağlıdır: “Əgər Rusiya amili olmasaydı, Qarabağ münaqişəsi çoxdan həll olunardı. Bəlkə də, heç bu münaqişə ümumiyyətlə mövcud olmazdı. Bu münaqişəni yaradan da, alovlandıran da Rusiya olub. Sonradan Rusiya bu siyasətini Krımda təkrarladı. Hesab edirəm ki, həm Krım, həm də Qarabağ problemi dünya üçün dərs olmalıdır”.

Vasif Həsənli