Tofiq Yaqublu Müsavatdan çıxarılacaq - İDDİA

“Tofiq Yaqublunun Müsavat və AXCP-ni barışdırmaq niyyəti onun partiyadan çıxarılması ilə nəticələnək”.

Publika.az xəbər verir ki, bu iddia ilə Müsavat partiyasının keçmiş üzvü, Azərbaycan Demokratiya və Rifah Hərəkatının (ADR) funksioneri Hüseyn Məlik çıxış edib.

Onun sözlərinə görə, Tofiq Yaqublu həbsxanadan çıxandan sonra təmsil olunduğu Müsavat Partiyası ilə AXCP-ni barışdırmağa, bu iki partiya arasında münasibətlərin yaxınlaşmasına təşəbbüs göstərəcəyini bəyan edir: “Hesab edirəm ki, Tofiq bəy bu iki partiyanın bir-birindən uzaq düşmə səbəblərini yaxşı bilir. İctimai Palatanın dağıdılması, Milli Şuranın dağıdılmasına yönəlik fəaliyyət, bizim bildiyimiz, amma müəyyən səbəblərdən demək istəmədiyimiz başqa faktorlar yetərincədir. Mən Müsavat partiyasında olduğum zaman bu partiyaların yaxınlaşmasına yönəlik müəyyən işlər görmək istədim. Ancaq ciddi təpkilərlə qarşılaşdım.
Düşünürəm ki ,Tofiq Yaqublunun bu xoş niyyətli fəaliyyəti onun Müsavat Partiyasından uzaqlaşdırılması ilə nəticələnəcək”.

H. Məlik qeyd edib ki, bu gün Müsavat Partiyasında şəxsi təşəbbüskarlıq rəhbərlik tərəfindən partiyaya xəyanət kimi qiymətləndirilir.

Asif