Nida.az
Sessiyanın KXCP-də keçirilməməsində kim maraqlıdır? - Qalmaqal
Milli Şura yay fəslində istirahətə çıxmasa da, sessiyanı da keçirə bilmir. Buna səbəb kimi isə yer probleminin olduğu deyilir. Buna qədər sessiyalar KXCP-nin qərargahında keçirilsə də, sonuncu sessiyadakı məlum üzvlük məsələsi və klassiklərin buna etiraz olaraq istefa istəkləri bu imkanı da əldən çıxartdı.
Milli Şuranın Koordinasiya Mərkəzinin üzvü Vidadi Mirkamal Publika.az-a açıqlamasında deyir ki, onlar sessiyanı yenidən KXCP-də keçirmək istəmirlər: “Mən bəzi məsələləri açıqlamaq istəmirəm, amma son sessiyada baş verənlərin hardan qaynaqlandığı bəllidir. Biz sessiyanı yenə orda keçirsək, yenə eyni şeylər baş verəcək. Buna görə də daha sakit yer istəyirik”.
O, yerlə bağlı hökumətə müraciət etmək istəklərinin olduğunu deyib. Lakin bu məsələnin tam razılaşdırılmadığını da bildirib.
KXCP sədrinin müavini Xəzər Teyyub isə Publika.az-a açıqlamasında deyib ki, onların qərargahı Milli Şura üçün daim açıqdır: “Bizim qərargahımızda müxtəlif siyasi tədbirlər keçirilir, heç kəsə də bu günə qədər yox deməmişik. Milli Şuranın sessiyasının bizim qərargahımızda keçirməsi problem deyil. Amma özləri istəmirlər. Əgər istəmirlərsə, biz daha nə edə bilərik”.
Milli Şura sədri Cəmil Həsənli isə problemin KXCP ilə bağlı olmadığını deyib. O, Publika.az-a açıqlamasında deyib ki, heç bir özəl obyekt onlara yer vermək istəmir: “İstər otellər, istər mətbuat mərkəzləri. Nə üçün? Biz bunun səbəbini bilmək istəyirik”.
Hazırda Milli Şura daxilində fikir ayrılığı yaranıb. Funksionerlərin hər biri problemi başqa cür izah edir. Lakin Publika.az-a daxil olan məlumata görə, sessiyanın KXCP-də keçirilməsini AXCP sədri Əli Kərimli istəmir.
“Son sessiyadan sonra KXCP-nin getməsinin qarşısı alınsa da,
AXCP onların qalmasında o qədər də israrçı deyillər. Çünki Əli
Kərimli hesab edir ki, sessiyanın KXCP-də keçirilməsi bu partiyanın
Milli Şurada liderliyə yüksəlməsinə səbəb ola bilər. Sonuncu
sessiyada baş verən qalmaqal buna bəhanə oldu”,- deyə qurumun adını
açıqlamayan üzvü bildirib.
Asif
-
Qoroskop00:35
Günün qoroskopu: bir sıra mətləblər əyan olacaq
-
Nida Xəbər 1 May 23:50
Paşinyan: Mümkün qədər tez...
-
Hadisə1 May 23:26
Qızı evdən qaçan ata efirdə göz yaşı tökdü - VİDEO
-
İqtisadi gündəm1 May 22:50
Dolların qiyməti ilə bağlı QƏRAR
-
Region1 May 22:42
Türkiyə ordusu şəhid verdi
-
İKT1 May 20:50
Telekanallarla bağlı statistika AÇIQLANDI - Ən çox bu verilişlər...
-
Region1 May 20:40
"Xarici agentlər haqqında" qanun layihəsi ikinci oxunuşda qəbul edildi
-
Magazin11 May 20:30
"Komedixana"nın aktrisası rəqsi ilə diqqət çəkdi - VİDEO