Nida.az
Müsavat başqanlığına namizədlik bu tarixdən sonra veriləcək
Müsavat Partiyasının Qurultaya Hazırlıq üzrə Təşkilat
Komitəsi 18 avqustda növbəti yığıncağını keçirib.
Publika.az-a bu barədə partiyadan daxil olan məlumatda deyilir.
Qurultaya Hazırlıq üzrə Təşkilat Komitəsi partiyanın VIII qurultayının 27 sentyabr 2014-cü il tarixdə keçirilməsinə hazırlığın gedişi və görülən işlər haqqında məlumatları dinləyərək qərara alıb: “Qurultayın keçirilməsi üçün təşkilati-texniki hazırlıqların həyata keçirilməsi ilə bağlı ötən iclasda qəbul edilmiş qərarlar əsasən yerinə yetirilmiş hesab olunsun. Bu istiqamətdə tamamlanma işləri davam etdirilsin. Bülleten formalarının layihələrinin, qurultay nümayəndələrinin qeydiyyata alınması, Say Komissiyasının təşkili və səsvermənin həyata keçirilməsi qaydaları haqqında hazırlanan layihələr müzakirə zamanı verilən təkliflər nəzərə alınmaqla təkmilləşdirilsin və növbəti yığıncaqlara çıxarılsın. Qurultay nümayəndələrinin, dəvət olunacaq media təmsilçilərinin və qonaqların siyahılarının dəqiqləşdirilməsi davam etdirilsin. Müsavat Partiyasının 100 illik tarixini əks etdirən xüsusi buraxılışın və video-çarxın, qurultay keçiriləcək zalın və binanın divarlarından asılmaq üçün şüarların və plakatların hazırlanması işinə diqqət artırılsın.
Partiyanın Nizamnaməsi və Proqramına təklif olunan
dəyişikliklərin müzakirəsinin yekunlaşdırılması, layihənin son
variantının razılaşdırılması işi sürətləndirilsin və Qurultaya
Hazırlıq üzrə Təşkilat Komitəsinin növbəti yığıncağında müzakirəyə
çıxarılsın.
Seçkili orqanlara namizədlərin irəli sürülməsi müddəti qurultaya 30 gün qalmış (28 avqust 2014-cü il saat 10:00-dan) başlayır və qurultaya 10 gün qalmış (17 sentyabr 2014-cü il saat 10:00-dək) başa çatır.
Təşviqat kampaniyası müddəti qurultaya 30 gün qalmış (28 avqust 2014-cü il saat 1000-dan) başlayır və səsvermənin başlanması haqqında qurultayın qərar verdiyi ana qədər davam edir.
Namizədliyin irəli sürülməsi haqqında ərizə QHTK-nın sədrinin adına yazılır və Təşkilat Departamentinə təqdim olunur. Təqdim olunan ərizələr xüsusi dəftərdə namizədin şahidliyi ilə qeydə alınır və namizəd tərəfindən imzalanır.
Namizədliyini irəli sürən şəxs ərizədə özünün soyadı, adı, atasının adı və lazım bildiyi halda təxəllüsünü, seçkili orqanın (başqan, MNTK və sərbəst Məclis üzvü) adını və ərizənin verilmə tarixini qeyd etməlidir.
Qurultayın keçirilməsi üçün yer ayrılması istiqamətində səylər davam etdirilsin.
Müvafiq zallar ilə bağlı danışıq aparmaq məqsədilə İşçi Qrupu
yaradılsın”.
Asif
-
Rəsmi xronika14:14
İlham Əliyev qanun imzaladı
-
ABŞ13:55
Seçkiqabağı sorğu: İkisindən biri 10 faiz öndədir
-
Dünya13:20
Peter Siyarto Makrona qarşı çıxdı
-
Sosial12:35
Əmlak bazarında “tilov effekti” - Yanvardan tətbiq olunan bu qərar insanları qorxuya salıb
-
Art12:06
Azərbaycan teatrının “sarı simi” – Onun gözlərinə baxa bilmirdim
-
Dünya11:20
İnauqurasiyadan sonra Putinin ilk xarici səfəri: Tarix açıqlandı
-
Magazin210:44
Məşhur aparıcı millət vəkili ilə evlənir - FOTO
-
İqtisadi gündəm10:22
Azərbaycandan toyuq əti bu ölkələrə göndərilə bilər: Bahalaşacaq