Nida.az
Heydər Əliyevin qəbul etmədiyi Jirinovski Bakıya niyə gəlir?
Rusiya Liberal-Demokrat Partiyasının (RLDP) lideri Vladimir Jirinovski Azərbaycana səfərə hazırlaşır.
Mətbuatda yayılan məlumatlara görə, sentyabrın sonunda baş
tutacaq səfərdə Jirinovski paytaxtda və ölkənin regionlarında bir
sıra görüşlər keçirməyi, respublikadakı inkişaf prosesləri ilə
yaxından tanış olmağı planlaşdırır.
Publika.az Jirinovskinin Azərbaycan səfərinin əsl məqsədini
araşdırmağa çalışıb.
Qeyd edək ki, RLDP sədri 90-cı illərdə Bakıya səfər edib. Lakin
yüksək səviyyəli görüşlər keçirmək istəyi alınmadı. Azərbaycanın
mərhum prezidenti Heydər Əliyevlə görüşmək istəyən Jirinovskini
Heydər Əliyev ciddi şəxs olmadığına görə qəbul etmədi.
Məlumatlara görə, Azərbaycana qarşı onun nifrət dolu çıxışlarına səbəblərdən biri də budur.
Misal üçün o, Macarıstanda onu təhqir edən erməni zabitini
öldürdüyü üçün həbsdə olan Ramil Səfərovun rəsmi Bakının səyi
nəticəsində azadlığa çıxmasına qarşı çıxış edərək bildirir ki,
erməni xüsusi xidmət orqanları hücuma keçməlidir: “Elə etməlidir
ki, bundan sonra Azərbaycan belə addımlar ata bilməsin.
Nümayişlərlə heç nə etmək olmaz. Burda erməni və rus xüsusi xidmət
orqanlarının üzərinə vəzifə düşür. Bir erməni qarşılığında ən
zəngin beş azərbaycanlı məhv edilməlidir. Görək nə edəcəklər?”
Məhz buna görə, rəsmi Bakı Moskvaya nota vermişdi.
Belə çıxışları kifayət qədər olan rusiyalı liberal siyasətçi
Rusiya Krıma girərkən “Qarabağ da Rusiyaya birləşməlidir” iddiasını
irəli sürdü.
Lakin iki ay öncə ondan gözlənilməz addım gəldi. “Rossiya 24”
telekanalının canlı yayımında çıxış edən Jirinovski Azərbaycanı MDB
ölkələri arasında müsbət nümunə kimi göstərib.
“Elə Azərbaycanı götürək. Bütün kəndlər abadlaşdırılıb, yeni
komplekslər, həmçinin idman kompleksləri tikilir. Bütün ölkə
inkişaf edib”.
O, ölkənin bu cür sürətli inkişafının səbəbini Azərbaycan xalqının düzgün seçimi ilə - İlham Əliyevi prezident seçməklə izah edib.
Jirinovskinin belə qəfil dönüşünü ekspertlər Kremldən gələn
tapşırıq hesab edirlər.
İndi isə Azərbaycana səfər etmək istəyi maraq doğurmaya bilmir.
Politoloq Qabil Hüseynli Publika.az-a açıqlamasında bildirib ki,
burda müxtəlif səbəblər ola bilər.
“Hesab etmək olar ki, Jirinovski Kremlin tapşırığı ilə gəlir. Çünki
adətən, o, yuxarıların tapşırığı olmadan belə addım atmır. Rusiya
bilir ki, bu adam onlar üçün başağrısıdır. Dəfələrlə bu şəxsə görə
Bakı ilə münasibətlər gərginləşib. Onun sonuncu dəfə Azərbaycanı
tərifləməsi də yuxarıdan gələn sifariş idi. Görünür, indiki
geosiyasi planda Moskva Bakı ilə ən xırda nüansda belə üz-üzə
gəlmək istəmir. Jirinovskinin səfəri də bir növ buna hesablanıb.
Moskva bir daha bu şəxsə görə heç kimlə üz-göz olmaq istəmir”, -
deyə o bildirib.
Q. Hüseynli qeyd edib ki, onun yüksək səviyyədə qəbul ediləcəyini
düşünmür: “Vaxtilə Heydər Əliyev də onu ciddi şəxs kimi qəbul
etmədi. İnanmıram ki, indi də onu qəbul etsinlər”.
Asif Nərimanlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?
-
Sosial08:42
Azərbaycanda general vəfat etdi
-
Magazin208:00
Şakira açıq-saçıq geyimi ilə heyrətləndirdi - FOTO
-
Yaxın Şərq07:30
"Hizbullah" İsraili artilleriyadan atəşə tutdu
-
Dünya06:46
ÜST-dən siqaretlə bağlı HƏYƏCAN TƏBİLİ: "Gənclərin 57%-i..."
-
Sosial05:15
Anasından asılı olan qızların 5 ƏLAMƏTİ - Sonrakı həyat necə olacaq?
-
Sosial03:13
Özünü qadına görə güllələdiyi deyilən Nəsib Quliyevin övladları və xanımı yasda İŞTİRAK ETMƏDİLƏR - VİDEO
-
Dünya02:12
Qadınlar SİLAHA SARILDILAR: əxlaqsızlığı təşviq edən festival LƏĞV EDİLDİ