Nida.az

Məzahir Pənahov: “Xeyli sayda ali təhsili olmayanlar bələdiyyə üzvü seçilib”

13 Oktyabr 2014 18:59

“Ötən bələdiyyə seçkilərində xeyli sayda ali təhsili olmayanlar bələdiyyə üzvü seçiliblər. Biz çox istəyirik ki, bələdiyyə üzvləri ali savadlılar olsun”.

Publika.az xəbər verir ki, bu barədə MSK sədri Məzahir Pənahov qurumun bugünkü iclasında deyib.

MSK sədri deyib ki, Azərbaycanda qarşıdan gələn bələdiyyə seçkiləri ilə bağlı Təqvim Planının layihə variantı artıq hazırdır.

“Biz dairə seçki komissiyalarının üzvlərinin də ali təhsilli olmalarını arzulayırıq. Apardığımız araşdırmalar göstərir ki, Azərbaycanda ucqar rayonlarda, kəndlərində da ali təhsilli insanlar kifayət qədərdir. Dairə seçki komissiyalarına üzv olmaq üçün ali təhsil tələb olunmur. Ancaq MSK siyasi partiyalara da müraciət edir ki, dairə seçki komissiyalarına üzvlüyə namizədliyini irəli sürdükləri insanlar ali təhsilli olsunlar”, - deyə MSK sədri bildirib.

Asif