Nida.az
QAT: “Ermənilər 47 il öncəki vəhşiliyi təkrarlayırlar”
“Qarabağ Azadlıq Təşkilatı işğalçı Ermənistanın Dağlıq Qarabağda yaratdığı qondarma rejimin azərbaycanlı girovlar Dilqəm Əsgərov və Şahbaz Quliyev üzərində qurduğu “məhkəmə” prosesini növbəti oyunbazlıq hesab edir. İşğalçı Ermənistan bir daha göstərir ki, onun üçün beynəlxalq qanun, norma, etik qayda yoxdur. Bu həyasızlaşmış rejim heç nədən, heç bir beynəlxalq təşkilatdan, beynəlxalq ictimai rəydən çəkinmədiyini nümayiş etdirir”.
Publika.az xəbər verir ki, bu barədə Qarabağ Azadlıq Təşkilatının
(QAT) yaydığı bəyanatda deyilir.
QAT bəyan edir ki, “məhkəmə”nin ilk günü ermənilərin yalançı,
həqiqətə uyğun olmayan ssenari qurduqlarını göstərdi: “Dediklərinin
heç biri həqiqətə uyğun gəlmir, bir-birini təkzib edir. Dilqəm
Əsgərovla Şahbaz Quliyevi diversant qrupunun üzvü kimi təqdim
etməyə çalışırlar, amma özlərini gülünc vəziyyətə qoyurlar. Bu cür
məntiq, bu cür diversant qrupu ancaq xəstə erməni təxəyyülünün
nəticəsi ola bilər. Bəs bu “diversant qrupu”nun başqa üzvləri hanı?
Bunları hansı diversiya əməli üstündə tutulublar? Heç bir fakt
yoxdur. Hansısa uşağın meşədə öldürülməsini bunların üzərinə atmağa
çalışırlar, heç bir sübutları da yoxdur. Yaxın-uzaq 1967-ci ilin
hadisəsi yada düşür. Onda da Dağlıq Qarabağın Kuropatkino kəndində
Benik adlı erməninin uşağını öldürmüşdülər, heç bir sübut olmadan
bu ölüm hadisəsini Ələmşah Mustafayev və daha 2 azərbaycanlının
üstünə atdılar. Xankəndidə onların üzərində məhkəmə quruldu,
ermənilər məhkəmənin qərarını gözləmədən dustaq maşınını yolda
aşırdılar, hər 3 azərbaycanlını maşında diri-diri yandırdılar.
Sonradan məlum oldu ki, həmin erməni uşağını öz dayısı öldürüb.
Ermənilər indi də həmin yolla gedirlər. Günahsız azərbaycanlıları
cəzalandırmağa çalışırlar”.
QAT azərbaycanlı girovların ermənilərin bu oyunbazlıqları,
təzyiqləri, təhdidləri qarşısında mərdliklə dayanmaları,
sınmamalarını, işğalçıların üzünə həqiqəti demələri ilə fəxr
etdiklərini bildirib: “Biz Azərbaycan hakimiyyətini bu bədnam
“məhkəmə” oyunbazlığının dayandırılması ilə bağlı beynəlxalq
təşkilatlar qarşısında dərhal məsələ qaldırmağa, məsələ müsbət
həllini tapana, girovlar geri qaytarılana qədər Ermənistanla
istənilən rəsmi və qeyri-rəsmi təmasları, danışıqları dayandırmağa
çağırırıq. BMT-nin baş katibi, Təhlükəsizlik Şurası dərhal bu
məsələyə müdaxilə etməli, işğalçı Ermənistanın bu qanunsuz
hərəkətlərinin, əzizlərinin qəbirlərini ziyarət etmək üçün öz
yurdlarına getmiş 2 sadə azərbaycanlıya “məhkəmə” adı altında divan
tutulması cəhdlərinin qarşısını almalıdır. Biz BMT rəhbərliyini,
bütün digər beynəlxalq qurumları Azərbaycan xalqının heysiyyatı ilə
oynamamağa çağırırıq, bizim də səbrimiz tükənməz deyil”.
Asif
-
Region21:12
Diş həkimindən ŞOK ƏMƏL: implantı pasientin beyninə bağladı, sonra...
-
Sosial21:00
Yeddi gündən sonra meyiti tapılan İbrahimin FOTOSU
-
ABŞ20:12
Qız anası olmaq üçün 15 il dalbadal HAMİLƏ QALDI - FOTO
-
Magazin119:40
Rəqqasə Fatiməni məhkəməyə verdilər
-
Elm və təhsil19:30
Azərbaycanda məmur bu əməlinə görə İŞDƏN QOVULDU
-
Hadisə19:15
Bakı metrosunda sərnişin öldü
-
Kriminal18:36
İçki məclisi QANLA BİTDİ: Seyfullayev qətlə yetirildi
-
İdman18:24
Klopp və Salah arasında dava düşdü - VİDEO