Partiya sədri Avropada Ukrayna məsələsini müzakirə edəcək

Azərbaycan Milli İstiqlal Patiyasının ( AMİP) sədri Yusif Bağırzadə və AMİP beynəlxalq əlaqələr katibi Elşən Mustafayev 6-7 mart tarixində İrlandiyanın Dublin şəhərində keçiriləcək Avropa Xalq Partiyasının(AXP) seçki qurultayında iştirak edəcəklər.

Partiyanın mətbuat xidmətindən Publika.Az -a verilən məlumata görə, qurultayda AXP yeni sədrinin seçilməsi ilə bərabər Avropa üçün bir sıra mühüm qərarlar da veriləcək. Belə ki, bu il 22-25 may tarixlərində Avropa Parlamentinə və Avropa İttifaqı Komissiyasının Prezidentliyinə seçkilər keçiriləcək.

AXP Qurultayının gedişində Avropa İttifaqının Komissiyasının Prezidentliyinə öz namizədini də müəyyən edəcək. Qurultayın gedişində bir neçə dəyirmi masa toplantıları da təşkil olunacaq ki, bunlardan birində - Şərq Tərəfdaşlığı Siyasəti çərçivəsində təşkil olunacaq dəyirmi masada AMİP nümayəndə heyətinin də iştirakı planlanşdırılıb. Dəyirmi masa “Ukraynadakı böhran və Avropa İttifaqının Şərq tərəfdaşlığı siyasəti “mövzusunda olacaq.

Asif