Nida.az
TANAP genişlənir: İran, İsrail və Kipr layihəyə qoşula bilər
Perspektivdə İran, İsrail və Kiprdə hasil olunan təbii qazın Trans-Anadolu boru kəməri vasitəsi ilə Avropa bazarına çıxarılması mümkündür.
"Report" xəbər verir ki, bunu bu gün Bakıda işə başlayan Xəzər neft-qaz beynəlxalq konfransında çıxış edən Azərbaycanın energetika naziri Natiq Əliyev deyib.
Nazir İranın TANAP-a qoşula biləcəyini xüsusi vurğulayıb: "İran regionda böyük potensialı olan bir ölkədir. Əgər proseslər belə davam edərsə, İran TANAP-a qoşula və öz qazını Avropaya çıxara bilər. Həmçinin İsrail və Kiprlə də danışıqlar aparmışıq. Onlar da gələcəkdə Türkiyə ərazisində Azərbaycan infrastrukturundan istifadə etməklə öz qazlarını Avropaya çıxara biləcəklərini deyir".
Bununla yanaşı N.Əliyev ABŞ hökuməti və Avropa İttifaqının daim bu layihəni dəstəklədiyini qeyd edib: "Biz dəfələrlə görmüşük ki, ABŞ Azərbaycanın enerji layihələrini dəstəklədiyini elan edib. Avropa İttifaqı da Azərbaycanın və digər Xəzəryanı ölkələrin neft-qaz layihələrini dəstəkləyir. Cənab Maroş Şefçoviç tez-tez bizim tədbirlərdə iştirak edir, daim bizi dəstəklədiyini göstərir və Türkmənistan qazının Avropaya nəqli üçün də dəstəyini əsirgəmir".
N.Əliyevin sözlərinə görə, hazırda Avropa enerji resursları çatışmazlığından ciddi narahatdır: "Buna səbəb Ukrayna ilə Rusiya arasındakı münaqişədir. Çünki Rusiya Avropa ölkələrinə enerji resursları tədarük edən əsas ölkədir. Dünyada enerji resurslarına olan tələbat günü-gündən artır və bu artımın davam edəcəyi gözlənilir".
Nazir bildirib ki, dünyada alternativ enerjinin istehsalının artmasına baxmayaraq, neft və qaza olan tələbat da artır: "Bu səbəbdən Azərbaycan enerji resursları baxımından Avropa üçün böyük potensiala malikdir. Ölkəmiz Orta Asiya ölkələri üçün də böyük əhəmiyyət kəsb edir".
-
Hadisə00:45
Bakıda DƏHŞƏT: toydan sonra iki nəfər faciəvi şəkildə ÖLDÜ - VİDEO
-
Qoroskop00:15
Günün ULDUZ FALI: romantik qarşılaşma ola bilər
-
Magazin15 May 23:48
Xalq artisti: “Mənə səhnənin canavarı deyirlər”
-
Sosial5 May 23:12
Yol polisindən gələn zəng onları dəhşətə gətirdi: "Maşın vurub öldürdü" - VİDEO
-
Sosial5 May 22:25
Xaçmazda 17 yaşlı qız 37 yaşlı kişi ilə nişanlanıb? - DİN-dən AÇIQLAMA
-
Magazin15 May 22:00
Ədalət Şükürovun qızının toyundan GÖRÜNTÜLƏR - VİDEO
-
Sosial5 May 21:48
Nübarlıq gilas satışa çıxdı: qiyməti "əl yandırır" - FOTO
-
Magazin25 May 21:24
Cennifer Lopez ictimaiyyət qarşısına elə libasda çıxdı ki... - FOTO/VİDEO