Nida.az

Milli Məclisin bir qrup deputatı Türkiyədə seçkiləri izləyəcək

6 İyun 2015 18:09

Türkdilli Ölkələrin Parlament Assambleyasının (TÜRKPA) Azərbaycan, Qazaxıstan və Qırğızıstan deputatlarından ibarət müşahidəçi missiyası iyunun 7-də Türkiyədə keçiriləcək parlament seçkilərini müşahidə edəcək.

Publika.az-ın məlumatına görə, Milli Məclisin deputatı Nizami Cəfərovun rəhbərlik etdiyi müşahidəçilər missiyasının səfər zamanı Ali Seçki Komissiyasının sədri Sadi Güven, Konstitusiya Məhkəməsinin sədri Zühtü Arslan, xarici işlər nazirinin müavini Naci Koru ilə görüşləri də nəzərdə tutulub.

Səsvermə günü TÜRKPA müşahidəçiləri seçki prosesini və mühitini müşahidə etmək məqsədilə Ankarada bir sıra məntəqələrə baş çəkəcəklər.

Missiya tərəfindən parlament seçkilərinin qiymətləndirilməsinə dair mətbuat konfransı iyunun 8-də keçiriləcək.

Vasif Həsənli