Prezident türk xalqları tarixində ilkə imza atdı - ŞƏRH

"Cənab Prezidentimizin bu addımı onun iş üslubunu və yorulmazlığını göstərir".

Bunu Publika.az-a açıqlamasında millət vəkili, Qafqazşünaslıq İnstitutunun direktoru, tarixçi alim Musa Qasımlı Türkdilli Dövlətlərin Əməkdaşlıq Şurasının fövqəladə Zirvə görüşü haqqında danışarkən deyib.

Deputat sözlərinə belə davam edib: "Dünyanın demək olar bütün dövlət və hökumət başçılarının əsas qayğısı koronavirus pandemiyasının qarşısının alınmasına yönəldiyi bir zamanda cənab Prezidentimiz İlham Əliyevin həm o məsələlərlə, həm də türk dünyasının ən vacib məsələləri ilə məşğul olması türk dövlətləri arasında olan əməkdaşlığa göstərilən xüsusi diqqət və qayğının nəticəsidir.

Cənab Prezidentimizin bu addımı eyni zamanda onun iş üslubunu və yorulmazlığını göstərir. Bir daha təsdiq edir ki, ən çətin anlarda belə dövlət başçımızın siyasətində mühüm yerlərdən birini türk dünyası ilə əməkdaşlıq tutur. Belə bir bir videokonfransın keçirilməsi türk dövlətləri arasında münasibətlərdə yeni addımdır. Heç şübhəsiz, cənab Prezidentimiz bununla türk xalqları tarixində də ilkə imza atmış oldu".

Məhərrəm Əliyev