• USD 1,7000 0,00% EUR 1,9020 -0,40%
    • GBP 2,1349 +0,18% RUB 0,0265 +0,38%

Elçin Quliyev Türkiyə Quru Qoşunlarının Komandanı ilə görüşdü

Elçin Quliyev Türkiyə Quru Qoşunlarının Komandanı ilə görüşdü

Dövlət Sərhəd Xidmətinin rəisi, general-polkovnik Elçin Quliyev DSX Aparatında Türkiyə Respublikası Quru Qoşunlarının Komandanı, ordu generalı Salih Zeki Çolakın başçılıq etdiyi nümayəndə heyətini qəbul edib.

Publika.az-a DSX Mətbuat Mərkəzindən verilən məlumata görə, görüşdə DSX və Türkiyə Respublikasının Quru Qoşunları arasında ikitərəfli əlaqələrin vəziyyəti yüksək qiymətləndirilib və əməkdaşlığın perspektivlərinə dair fikir mübadiləsi aparılıb.

Söhbət əsnasında transsərhəd cinayətkarlığı ilə mübarizədə həyata keçirilmiş tədbirlər, sərhəd mühafizə sisteminin gücləndirilməsi, maddi-texniki bazanın təkmilləşdirilməsi üzrə görülmüş işlər və əldə olunmuş nailiyyətlər barədə məlumat verilib.

Tərəflər arasında sərhəd təhlükəsizliyinin möhkəmləndirilməsi məqsədilə qarşılıqlı təcrübə mübadiləsinin aparılması, sərhəd təlimlərinin və birgə tədbirlərin keçirilməsi istiqamətində əməkdaşlığın genişləndirilməsinin zəruriliyi vurğulanıb.

Görüş dostluq və qarşılıqlı anlaşma şəraitində keçib.

loading...

Xəbər lenti

DAHA ÇOX XƏBƏR