SON DƏQİQƏ - Qalmaqallı dairənin də nəticələri ləğv edildi - VİDEO

MSK-nın iclasında 35 saylı dairə ilə bağlı məsələ müzakirə olunur

Publika.az xəbər verir ki, MSK-nın bügünkü iclasında 80 saylı dairənin nəticələrinin ləğvindən sonra 35 saylı Xətai Üçüncü Seçki Dairəsi ilə bağılı daxil olmuş müraciətlərə baxılıb. Məsələ barədə məlumat verən Ramiz İbrahimov bildirib ki, həmin seçki dairəsi üzrə bəzi seçki mənətəqələrində pozuntuların baş verməsi barədə MSK-ya müraciət edilib.

O qeyd edib ki, həqiqətən də bu dairənin bütün məntəqələrində bu və ya digər formada pozuntulara yol verilib. MSK üzvü qeyd edib ki, 1 saylı məntəqənin nəticələriə dair tərtib edilmiş protokol müşahidəçilərə verilməyib. R.İbrahimov da digər konkret məntəqələr üzrə baş vermiş pozuntuları sadalayıb. MSK üzvü bu dairədə baş verən pozuntuların seçki dairəsində seçicilərin iradəsini imkan verməyən hallar olduğunu bildirib. Müzkirə davam edir.

R.İbrahimov 35 saylı dairə üzrə 33 seçki məntəqəsindən 30-da seçkinin nəticələrinin ləğv edilməli olduğunu vurğulayıb və bütövlükdə dairə üzrə nəticələrin etibarsız hesab edilməsinə dair qərar layihəsi hazırlandığını bildirib.

Məsələ müzakirələrdən sonra səsverməyə çıxarılıb və 35 saylı dairə üzrə nəticələr ləğv edilib.

Video: Sevinc Xanqızı