Peskov: “Baydenin şərtləri qəbuledilməzdir”

Rusiya Prezidentinin mətbuat katibi Dmitri Peskov prezident Vladimir Putinin Ukrayna üzrə danışıqlara hazır olduğunu bildirib. Lakin onun sözlərinə görə, ABŞ Prezidenti Co Baydenin danışıqların başlanması üçün bir gün əvvəl irəli sürdüyü şərtlər qəbuledilməzdir.

Publika.az xəbər verir ki, Peskov Ukraynada hərbi əməliyyatlar davam edəcək əlavəsini edib.

“O dedi ki, ilk növbədə Putin Ukraynanı tərk etməlidir. O hesab edir ki, bu, Putinin danışıqlara hazır olduğunu nümayiş etdirməlidir... ABŞ hələ də Rusiya Federasiyasının tərkibində yeni əraziləri tanımır. Və təbii ki, bu, bir növ qarşılıqlı zəmin axtarışını xeyli çətinləşdirir. Qarşılıqlı müzakirələr üçün əsaslar olmalıdır”, - deyə Dmitri Peskov “Kommersant FM”in sualına cavabında bildirib.

D.Peskov əlavə edib ki, Vladimir Putin danışıqlara hazırdır.

“Xüsusi hərbi əməliyyat davam edir. Eyni zamanda, prezident Putin danışıqlara açıqdır”, - deyə D.Peskov əlavə edib.

Onun sözlərinə görə, Rusiya üçün dinc diplomatik vasitələr üstün olaraq qalır.

Qeyd edək ki, dekabrın 1-də Co Bayden yaxın gələcəkdə Vladimir Putinlə əlaqə saxlamağı planlaşdırmadığını bildirib. O əlavə edib ki, Putin Ukraynada hərbi münaqişəyə son qoymaq istəyini nümayiş etdirdiyi zaman onunla danışıqlara hazır olacaq. Bu gün, dekabrın 2-də ABŞ dövlət katibi Entoni Blinken əlavə edib ki, Bayden Ukraynadakı münaqişəni genişləndirməkdən yayınmaq istəyir.

Səxavət