Nida Xəbər

“Ayrı-ayrı ölkələrdə saytlar yaradıb, sabiq hərbçilərə müraciət edirlər” - Novruzov

6 İyun 2023 13:50

Ayrı-ayrı ölkələrdə saytlar yaradılır və Azərbaycandakı hərbçilərə müraciətlər daxil olur. O cümlədən Əfqanıstanda xidmət edən keşmiş hərbçilərə müraciətlər olur.

Publika.az xəbər verir ki, bunu Milli Məclisin deputatı Siyavuş Novruzov parlamentin bu gün keçirilən növbədənkənar sessiyasında deyib.

Deputat bildirib ki, həmin saytlar vasitəsilə müxtəlif formada vədlər verilir. Onun fikrincə, yüksək əməkhaqları vəd edilir ki, muzdlu şəkildə proseslərdə iştirak etsinlər:

“ Hesab edirəm ki, bunun qarşısı ciddi şəkildə alınmalıdır. Kimlərisə şirnikləndirmə yolu ilə vaxtı ilə İŞİD-ə cəlb etmişdilər. 988 nəfər azərbaycanlı orada iştirak edib və sonradan hamısı ölkədə müxtəlif cinayətlərdə iştirak etdi. Odur ki, buna yol verməməliyik və bunu qanunla tənzimləməliyik”.