Doğum günündə vəfat edən Günelin SON VİDEOSU - "Sizi çox sevirəm"

Xərçəng xəstəliyindən əziyyət çəkən yazar Günel Eminlinin Türkiyədə müalicə aldığı xəstəxanada vəfat etdiyi barədə məlumat vermişdik.

Publika.az xəbər verir ki, Günel Eminli həm də Avropa Azərbaycan Məktəbinin müəllimi olub.
O, doğum günündə vəfat edib. Ölümündən bir gün əvvəl isə məktəbin kollektivi və şagirdləri doğum günü ilə bağlı onu təbrik ediblər.

Müəllimlər və dərs dediyi 6-cı sinif şagirdləri ürək sözlərinin yer aldığı video-roliki “YouTube”da yerləşdiriblər.

Böyük ehtimalla, Günel Eminli bu videoya baxa bilməyib. Amma yəqin ki, bu qədər sevildiyini bilirdi. Müəllim və kollektivin ürək sözlərindən onun əsl insan, şəxsiyyət və fədakar müəllim olduğu bəlli olur. Bu təsirli videoya baxdıqca, Azərbaycan ədəbiyyatının istedadlı yazarı, təhsilinin isə əvəzsiz müəllimi itirdiyini anlayırsan.

Ağır itkidir. Xüsusən də onu sevən azyaşlı şagirdləri üçün.

Amma bir məqamla təsəlli tapmaq olar: Bu uşaqlar o müəllimdən artıq nəsə götürüblər. Deməli, pis insan olmayacaqlar. Ruhun şad olsun, Günel xanım.