Rusiyadan Ermənistanın sərhəd təxribatına münasibət: Hər kəs başa düşür ki...

Ermənistanla Azərbaycan arasında sülhün alternativi yoxdur. Lakin Ermənistan və Azərbaycan sərhədində hələ də toqquşmalar var, insanlar ölür, belə bir şəraitdə nəqliyyat əlaqələrinin qurulması ilə bağlı danışıqlar aparmaq çətindir.

Publika.az xəbər verir ki, bunu Rusiya baş nazirinin müavini Aleksey Overçuk Sankt-Peterburqda keçirilən Beynəlxalq İqtisadi Forumda deyib.

"Belə durumda hər kəs başa düşür ki, Azərbaycan və Ermənistan arasında sülhə alternativ yoxdur. Sülhə nail olmağın ən yaxşı yolu insanların sülh yolu ilə qarşılıqlı əlaqədə olması üçün ümumi yol imkanlarının açılmasıdır. Belə olsa, normal həyat, ticarət əlaqələri yaranacaq və getdikcə köhnə narazılıqlar arxa plana keçəcək”, - deyə Overçuk İrəvanla Bakı arasında nəqliyyat kommunikasiyalarının bloklanmasına dair danışıqları şərh edərkən bildirib.

Yolun nə vaxt açılacağı məsələsinə gəlincə, Rusiya Federasiyası Baş nazirinin müavininin sözlərinə görə, hələlik bu suala dəqiq cavab yoxdur:

"Biz razılaşmalı və müvafiq sənəd imzalamalıyıq. O zaman sovet dövründə mövcud olan, həm ermənilərin, həm də azərbaycanlıların istifadə etdiyi dəmir yolunun bərpasına başlamaq mümkün olacaq"