25 şagirdini zəhərləyən, birini isə öldürən müəllim edam olundu

Jiaozuo şəhərindəki məhkəmə binasının qarşısında müəllim Vanq Yunun cümə axşamı günü edam edildiyi bildirişi yerləşdirilib.

Publika.az xəbər verir ki, Çində bağçada onlarla şagirdi zəhərləməkdə və 1-ni öldürməkdə ittiham olunan uşaq bağçasının müəllimi edam edilib. Onun 40 yaşı var idi.

Vanq 2019-cu ilin mart ayında şagirdlərinin yeməyinə zəhərli natrium nitrit dozası qataraq 25 şagirdi zəhərləməkdə ittiham edilirdi. Nitrit, yüksək konsentrasiyalarda qanın oksigeni bədəndən keçirə bilməsinə mane olan zəhərli kanserogendir. Zəhərlənmədən sağala bilməyən şagird 10 ay sonra çoxlu orqan çatışmazlığından dünyasını dəyişib. Qadın, həmçinin onlayn olaraq qarışığın inqrediyentlərini aldıqdan sonra ərini də eyni şəkildə zəhərləməkdə ittiham olunurdu. Vanq ilk dəfə 2019-cu ildə kütləvi zəhərlənməyə görə həbs edilib və yerli Jiaozuo məhkəməsi onu “alçaq və qəddar” şəxs kimi ölümə məhkum edib.

Çində əksər edamlar adamın başının arxasından güllə ilə vurulmaqla həyata keçirilir, lakin ölkədə bəzən ölümcül inyeksiya da tətbiq olunur. Edamlar xüsusi edam meydançasında həyata keçirilir.

Nəzrin