Nida Xəbər

İrəvanda kütləvi etiraz aksiyaları - 142 nəfər saxlanıldı

25 Sentyabr 2023 10:31

İrəvanda hökumətə qarşı kütləvi etirazlarda saxlanılanların sayı artıb.

Publika.az xəbər verir ki, saat 10:00-a olan məlumata görə, polis İrəvanda itaətsizlik aksiyalarının 142 iştirakçısını saxlayıb.

Polisin ictimaiyyətlə əlaqələr departamentinin rəis müavini Edqar Canoyan “Novosti-Armeniya” agentliyinə bildirib.

***

İrəvanda hökumətə qarşı kütləvi etirazlarda 53 nəfər saxlanılıb.

Publika.az bu barədə erməni KİV-lərinə istinadən xəbər verir.

Qeyd edək ki, İrəvanda sentyabrın 19-dan Nikol Paşinyan hakimiyyətindən narazı vətəndaşlar tərəfindən etiraz aksiyası davam edir. Aksiya iştirakçıları baş nazir Nikol Paşinyan və komandası istefaya gedənədək etirazları davam etdirəcəklərini bildiriblər.

Paşinyan hakimiyyətinə qarşı etirazlarda saxlanılanlar arasında keçmiş prezident Robert Koçaryanın oğlui Levon Koçaryan da var. Dörd polis əməkdaşını döyməkdə ittiham olunan Levon 1 ay müddətinə həbs olunub.