Moskvadan Azərbaycanla bağlı mühüm açıqlama: Alqışlayırıq

Biz Azərbaycanla müxtəlif regional formatlarda: MDB və ŞƏT, Asiyada Qarşılıqlı Fəaliyyət və Etimad Tədbirləri Müşavirəsi, Xəzər beşliyi və 3+3 regional əməkdaşlıq platforması, o cümlədən Avrasiya təhlükəsizlik arxitekturasının qurulması kontekstində sıx əməkdaşlıqda maraqlıyıq.

Publika.az xəbər verir ki, bunu bu gün, oktyabrın 15-də keçirdiyi brifinqdə Rusiya Xarici İşlər Nazirliyinin sözçüsü Mariya Zaxarova deyib.

"Biz Bakı və Avrasiya İqtisadi İttifaqı ilə dialoqun güclənməsinin şahidi oluruq. Bunu Azərbaycanın Baş nazirinin Avrasiya Hökumətlərarası Şurasının iclaslarında fəxri qonaq qismində iştirak etməsinin formalaşmış ənənəsi sübut edir. Sonuncu belə tədbir bu il sentyabrın 30-da Minskdə baş tutub. Biz MDB-nin müxtəlif istiqamətləri çərçivəsində Bakı ilə qarşılıqlı əlaqələrimizi müsbət qiymətləndiririk.

Və əlbəttə ki, biz Bakının oktyabrın 10-da Düşənbə sammitindən bir sıra yekun sənədlərə qoşulmasını alqışlayırıq. Bunlara dövlət başçılarının transmilli cinayətkarlıqla mübarizədə əməkdaşlığa dair bəyanatları və Çernobıl AES-də baş vermiş faciənin 40-cı ildönümü ilə bağlı bəyanatları daxildir. Azərbaycan həmçinin terrorizmə və ekstremizmə qarşı mühüm ortamüddətli dövr üçün əməkdaşlıq proqramının qəbulunu dəstəkləyib”, - Zaxarova bildirib.

Tural