Azərbaycandan benzin aparan qatar Gürcüstan-Ermənistan sərhədini keçdi
Bizi izləyin
Aptekonline

Nida Xəbər

Azərbaycandan benzin aparan qatar Gürcüstan-Ermənistan sərhədini keçdi

1300 ton Azərbaycan Aİ-95 benzini (yüksək oktanlı yanacaq) daşıyan yük qatarı Gürcüstan-Ermənistan sərhədini (Ayrum stansiyası) keçib.

Publika.az xəbər verir ki, bu barədə Ermənistanın iqtisadiyyat naziri Gevorq Papoyan sosial mediada məlumat verib.

Əvvəllər bildirilirdi ki, Ermənistan və Azərbaycan baş nazirlərinin müavinləri Mqer Qriqoryan və Şahin Mustafayevin 28 noyabrda Qəbələdə keçirilən görüşdə əldə etdikləri razılaşmalara uyğun olaraq, SOCAR neft məhsullarının ilk partiyasını daşıyan 22 vaqonlu yük qatarı Azərbaycandan Ermənistana yola düşüb.

Papoyanın dəqiqləşdirdiyi kimi, benzinlə dolu 22 vaqon artıq Ermənistan tərəfindədir.

Qeyd etmək lazımdır ki, yanacaq Bakıdan dəmir yolu xətti ilə Gəncəyə, daha sonra Böyük Kəsikdən keçərək Gürcüstan sərhədinə (təxminən 500 km), oradan isə Qardabanidən Tbilisiyə və daha sonra Ermənistan sərhədinə (Sadaxlı - Ayrum) çatdırılıb.

Tural

Oxumağa davam et
Reklam
Reklam

Gündəm

Aptekonline