Qeyri-neft sektorunun büdcədə payı artırılır

“Azərbaycan iqtisadiyyatında qeyri-neft sektorunun payı dayanıqlı inkişaf baxımından müsbət qiymətləndirilə bilər”.

Publika.az xəbər verir ki, bunu İqtisadi və Sosial İnkişaf Mərkəzinin rəhbəri Vüqar Bayramov Dayanıqlı İnkişaf və Korporativ Sosial Məsuliyyət üzrə 1-ci Azərbaycan Beynəlxalq Konfransında çıxışı zamanı bildirib. O qeyd edib ki, bu gün ölkədə büdcə gəlirlərinin strukturunun dəyişdirilməsində uğurlar əldə edilib: “3 il əvvəl qeyri-neft sektorunun büdcədə payı 25 faiz idi. 2014-cü ildə bu rəqəm 35 faiz olub. 2016-cı ildə də qeyri-neft sektorunun büdcədə payının artırılması proqnozlaşdırılır”.

O, ixracatda da diversifikasiyaya nail olmağın vacibliyini vurğulayıb. Deyib ki, bu gün qeyri-neft sektorunun ixracatda payı ikirəqəmlidir. O, ixracdakı payının stabil qalmasına baxmayaraq, neftin dünya bazar qiymətinin iki dəfə ucuzlaşması səbəbindən dəyər ifadəsində ümumi ixracdakı payının azaldığını vurğulayıb.

Leyla