Qırmızı.az
Gender və ailə problemləri müzakirə mərkəzində - FOTOLAR
“Bu gün cəmiyyəti silkələyən gender və ailə münasibətlərində təzahür edən problemlər həyəcan təbilidir”.
Publika.az xəbər verir ki, bu barədə “Azərbaycanda ailə və gender məsələləri: mövcud vəziyyət və problemlər” mövzusunda IV Respublika konfransında bildirilib.
Azərbaycanda gender və ailə məsələlərinin bugünkü durumunu müzakirə etmək, problemlərin həlli yollarını aramaq və təkliflər irəli sürmək üçün alimlər, tədqiqatçılar, məmurlar və mütəxəssislər Azərbaycan Əmək və Sosial Münasibətlər Akademiyasında bir araya gəlibər.
“Azərbaycanda ailə və gender məsələləri: mövcud vəziyyət və problemlər” mövzusunda IV Respublika konfransını Azərbaycan Əmək və Sosial Münasibətlər Akademiyasının prorektoru, iqt. ü.f.d., dosent Mobil Məcidov giriş sözü ilə açdıqdan sonra ailə münasibətlərini əks etdirən film-çarx nümayiş etdirilib. Plenar iclasda BDU-nun “Gender və tətbiqi psixologiya” kafedrasının müdiri, psixologiya üzrə f. d., dosent Rəna İbrahimbəyova “Müasir dövrdə ailə institutu”, AR DİN İnsan alveri qurbanlarına kömək fondunun sədri, fəlsəfə ü.f.d.Mehriban Zeynalova “Qadın alveri insan alveri kontekstində”, Azərbaycan Respublikası Ailə, Qadın və Uşaq Problemləri üzrə Dövlət Komitəsinin informasiya və analitik araşdırma şöbəsinin müdiri Elgün Səfərov “Azərbaycanda ailə hüququnun inkişafında yeni institut: ailədə və məişətdə zorakılığın qarşısının alınması”, Qərb Universiteti “Gender Araşdırmaları Mərkəzi”nin rəhbəri, fəlsəfə ü.f.d.Kifayət Ağayeva “Müasir ailədə mənəvi tərbiyənin rolu”, AMEA İqtisadiyyat İnstitutunun baş elmi işçisi, iqtisadiyyat ü.f.d. Adilə Gözəlova “Azərbaycanda gender bərabərliyi və gender pariteti məsələsi”, AR İnsan Hüquqları üzrə Müvəkkilin (Ombudsman) hüquqi maarifləndirmə sektorunun müdiri Rəşid Rumzadə “Vətəndaş cəmiyyəti institutlarının fəaliyyətinin ailəgender münasibətləri sisteminə təsiri”, Mədəniyyət İşçiləri Müstəqil HİRKin sədri, AHİKin gender bərabərliyi və qadın problemləri üzrə Mərkəzinin sədri Cəmilə Səttarova “Sosial əmək münasibətlərinin təkmilləşməsinə ailənin təsiri”, AMEA Fəlsəfə və Hüquq İnstitutunun dissertantı Fainə Hənifəyeva “Miqrasiya proseslərinin Azərbaycan ailəsinə təsiri:demoqrafik boşluq”, AMEA Fəlsəfə və Hüquq İnstitutu, böyük elmi işçi, fəlsəfə ü.f.d. Hüseyn İbrahimov “Erkən nikahlar yerli və qlobal sosiomədəni dəyişmələr mətnində”, Azərbaycan Əmək və Sosial Münasibətlər Akademiyasının III kurs tələbəsi İlahə Feyzullayeva “Ailə münasibətlərinin gender problemləri gənclərin baxışında”, Azərbaycan Əmək və Sosial Münasibətlər Akademiyası “Sosial tərəfdaşlıq, HİH və humanitar fənlər” kafedrasının müdiri, fəlsəfə ü. f. d., dosent Zeynəddin Şabanov “Gender 2015 ilin problemidirmi?” mövzusunda məruzələrlə çıxış ediblər.
Qeyd edək ki, ötən illərdə (2012,2013,2014cü illər) Akademiyada keçirilmiş konfranslarda ölkəmizdə tanınmış mütəxəssislərin iştirakı ilə Azərbaycanda gender problemlərinin aradan qaldırılması istiqamətində görülən işlər, qanunların gender ekspertizası, gender bərabərsizliyinin həllində həmkarlar ittifaqları təşkilatlarının rolu, təhsildə gender məsələsi, ictimai həyat sahələrində qadınların təmsilolunma vəziyyəti, sülh və təhlükəsizlik şəraitində gender problemlərinin həllində BMTnin rolu, qərar qəbuletmədə qadınların iştirakı, qadının sosial fəallığında daxili potensialının yeri, peşə seçimində təzahür edən bəzi problemlər, ailələrdə məişət zorakılığı və başqa müxtəlif məsələlər barəsində geniş fikir mübadiləsi aparılıb, maraqlı təkliflər irəli sürülüb.
Konfransda həmçinin qeyd olunub ki, müasir cəmiyyətin yeni mərhələsinin özünəməxsus xüsusiyyətləri var ki, onların bəziləri cəmiyyətin, millətin yüksəlişinə, yeni inkişaf mərhələsinə qədəm qoymağa xidmət edir, amma bəzi xüsusiyyətlər də milli-mənəvi dəyərlərin tənəzzülünə, aşınmalara gətirib çıxarır. Bunun üçün də cəmiyyətin bütün üzvlərinin maariflənməsinə, cəmiyyəti irəli aparan təbliğat işinin genişlənməsinə ehtiyac var. Bu gün cəmiyyəti silkələyən gender və ailə münasibətlərində təzahür edən problemlər həyəcan təbili çalmaqdadır.
Bildirilib ki, dövlətimiz bu istiqamətdə bütün vacib təbdirləri görür, qanunlar və qanunvericilik aktları qəbul edilir, beynəlxalq standartlara uyğun olaraq müxtəlif istiqamətlərdəki məcəllələrdə dəyişiklər edilir. Amma ailədə, cəmiyyətdə cinslər arasındakı münasibətlərin harmoniyasına nail olmaq üçün bütün zəruri addımların atılsa da, böyük narahatlıq doğuran problemlər hələ də qalmaqdadır və çox təəssüf ki, belə xoşagəlməz hallar haqqında tez-tez televiziya ekranlarından, kütləvi informasiya vasitələrindən, internet saytlarından eşidir, oxuyur, gündəlik həyatda müşahidə edirik.
Məruzələr ətrafında maraqlı çıxışlar olub, məntiqli mühakimələr yürüdülüb, yeni fikirlər irəli sürülüb, təkliflər paketi hazırlanıb. Konfransın sonunda gender və ailə problemləri mövzusunda kitabların təqdimatı keçirilib.
-
Rəsmi xronika16:53
İlham Əliyevin Almaniya XİN rəhbəri ilə görüşü keçirilir
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq