Ankara “Patriot”dan imtina edəcək, əgər… - Çavuşoğlu

Türkiyə “S-400” zenit-raket komplekslərindən imtina barədə şərti irəli sürülərsə, ABŞ-dan “Patriot” sistemləri almayacaq.

Publika.az xəbər verir ki, bu haqda NTV telekanalının efirində Türkiyənin Xarici İşlər Nazirliyinin başçısı Mövlud Çavuşoğlu bildirib.

“Türkiyə gələcəkdə “Patriot” sistemlərini əldə edə bilər, amma bunu “S-400”-lərdən imtina şərti irəli sürülməsi halında mümkün hesab etmir”, - Çavuşoğlu deyib.

ABŞ Dövlət Departamenti 3,5 milyard dollar dəyərindəki “Patriot” sistemlərinin Türkiyəyə satışına 2018-ci il dekabrın 19-da icazə vermişdi. Ancaq ABŞ Türkiyənin Rusiyadan “S-400” zenit-raket kompleksləri almasından imtina etməsini istəyir. Türkiyə isə Rusiya ilə razılaşdırılan “S-400” müqaviləsinin ləğv edilməsini “Patriot” satışında ilkin şərt kimi irəli sürülməsinə etiraz edir.

Bundan sonra “Anadolu” agentliyi bildirib ki, ABŞ-ın nümayəndə heyəti “Patriot”ların satışı üzrə təklifi Türkiyəyə təqdim edib.

Mövlud Çavuşoğlu da 2018-ci ilin yekunları ilə bağlı keçirdiyi mətbuat konfransında bildirmişdi ki, Ankara təxminən 1,5 il əvvəl “Patriot” almaq istədiyimizi məktubla ABŞ-a çatdırmışdı.

Ömər Dağlı