Kreml Abxaziyadan “caynağını” çəkəcək?

Rusiya Abxaziya ilə tərəfdaşlıq əlaqələrinin inkişafına ümid edir.

Publika.az xəbər verir ki, bunu Rusiya Dövlət Dumasının Beynəlxalq Əlaqələr Komitəsinin sədrinin birinci müavini Aleksey Çepa bildirib. Deputat “Lenta.ru” ilə söhbətində ikitərəfli münasibətlərin gələcəyindən danışıb.

“Ümid edirəm ki, əlaqələrimiz inkişaf edəcək və Abxaziya çoxsaylı rus turistlərini cəlb etməkdə davam edəcək və vəziyyət ildən-ilə yaxşılaşacaq, istirahət üçün daha çox yerlər, daha çox ticarət-iqtisadi əlaqələr olacaq və Abxaziya dostumuz olaraq qalacaq”, - deputat vurğulayıb.

Bundan əvvəl Abxaziya prezidenti səlahiyyətlərini icra edən Badra Qunbanın Rusiyadan respublikaya humanitar elektrik enerjisi verilməsini xahiş etdiyi bildirilirdi. O, Moskvanın bu müraciəti ən qısa zamanda dəstəkləyəcəyinə ümid etdiyini bildirib.

“Abxaziya bizim vətənimizdir. Biz onları dövlət kimi tanıyırıq. Bunlar bizim qonşularımızdır. Onlara sabitlik və firavanlıq və xoşbəxtlik arzulayırıq. Təbii ki, bizimlə birlikdə”, - Rusiya prezidentinin mətbuat katibi Dmitri Peskov Qunbanın sorğusuna cavab verib.

İki gün sonra respublikanın baş nazirinin birinci müavini, energetika və nəqliyyat naziri Cansux Nanba bildirib ki, dekabrın 23-də Rusiya Abxaziyaya humanitar elektrik enerjisi nəqlinə başlayıb. Abxaziya nümayəndəsinin sözlərinə görə, verilən elektrik enerjisinin limiti 327 milyon kilovat-saat təşkil edəcək. Bu həcmlər ölkədə elektrik enerjisinin gündəlik kəsilməsini sutkada 11 saatdan 4 saata endirməyə imkan verəcək.

Tural