Ərdoğandan QARABAĞ AÇIQLAMASI: "Azərbaycanın özü qərar verib..."

Otuz ildir ki, Azərbaycan torpağı Qarabağı işğal altında tutdunuz. O torpaqlar azərbaycanlı qardaşlarımızındır. Azərbaycanın özü qərar verib Qarabağı geri aldı və biz də əlimizdən gələn dəstəyi verdik.

Publika.az xəbər verir ki, bu fikirləri Prezident Rəcəb Tayyib Ərdoğan Ankarada keçirilən Türkiyə Milli Kosmos Proqramının təqdimat mərasimindəki çıxışında deyib.

Türkiyənin kosmos və peyk texnologiyalarında böyük uğurlar qazandığını diqqətə çatdıran dövlət başçısı söyləyib ki, qardaş ölkənin milli istehsalı olan İHA (pilotsuz uçuş aparatları) və SİHA-lar ilə (pilotsuz silahlı uçuş aparatları) cəhbədə oyunları pozan tərəf olmağı bacardıq.

***

21:12

Türkiyə Prezident Rəcəb Tayyib Ərdoğan Milli kosmik proqramının təqdimatı ilə bağlı keçirilən mərasimə qatılıb.

Publika.az "TRT Haber"ə istinadla xəbər verir ki, ölkə lideri Ankaradakı Administrasiyada keçirilən mərasimdə çıxış edib.

Məlumata görə, ölkənin kosmik sahədə məqsədlərinin, həmçinin Türkiyə Sənaye və Texnologiyalar Nazirliyinin himayəsi altında reallaşdırılacaq layihələrin açıqlanacağı nəzərdə tutulur.