Region
Gürcü generalın meyitinin qalıqları Fransadan Tiflisə gətirildi
Fransada mühacirətdə vəfat edən Gürcüstan Demokratik Respublikası (1918-1921) ordusunun baş komandanı, general Giorgi Kvinitadzenin meyitinin qalıqları Tiflisə gətirilib.
Publika.az xəbər verir ki, Tiflis beynəlxalq hava limanında generalın xatirəsinə həsr olunmuş rəsmi mərasim keçirilib. Mərasimdə Gürcüstan Prezidenti Salome Zurabişvili, Müdafiə naziri Cuanşer Burçuladze, parlament sədri Kaxa Kuçava və digər rəsmi şəxslər iştirak ediblər.
Gürcüstan hökumətinin qərarı ilə G.Kvinitadzenin cənazəsi mayın 26-da – ölkənin Müstəqillik günündə Mtatsminda panteonunda dəfn olunacaq.
G.Kvinitadze 1874-cü ilin avqustun 21-də Dağıstanda anadan olub. 1884-cü ildə o, Tiflis Kadet Korpusuna daxil olub, daha sonra təhsilini Sankt Peterburqda davam etdirib. G.Kvinitadze Rusiya imperator ordusunda uğurlu hərbi karyera qurub.
1921-ci ilin fevral-martında hücum edən Qırmızı ordu hissələrinə qarşı müqavimət təşkil edib. 1921-ci ildə demokratik respublikanın süqutundan sonra general Türkiyənin İstanbul şəhərinə, oradan isə 1922-ci ildə Fransaya mühacirət edib.
O, 1970-ci ilin avqustunda Şatu şəhərində vəfat edib və yerli qəbirstanlıqda dəfn olunub. 2013-cü ildə G.Kvinitadze ölümündən sonra Gürcüstanın Milli Qəhrəmanı ordeni ilə təltif edilib. 2006-cı ildə Tiflisdəki küçələrdən birinə onun adı verilib. Generalın xatirəsinə “Giorgi Kvinitadze” adlı gümüş hərbi medal təsis olunub.
Tural Turan
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı