Türkiyə-Gürcüstan sərhəd qapıları bu tarixdən AÇILIR

Türkiyənin Ardahan rayonundan Gürcüstana açılan sərhəd qapılarından 1 iyundan etibarən vətəndaşlar gedib-gələ biləcəklər.

Publika.az xəbər verir ki, bu barədə "TRT Haber" məlumat yayıb.

Bildirilir ki, yeni tip koronavirusla (Covid-19) mübarizə tədbirləri çərçivəsində təxminən bir ildir vətəndaşlara bağlı olan Türkgözü Sərhəd Qapısı və Çıldır-Aktaş Gömrük Qapısı açılır.

Ardahan Ticarət və Sənaye Palatasının (ATSO) başçısı Çetin Demirci qərarın Gürcüstan hökuməti tərəfindən verildiyini bildirərək deyib:

"Bu, sərhəd qapılarında hərəkətlilik üçün əhəmiyyətli addım oldu. Ardahanın Posof qəsəbəsindəki Türkgözü Sərhəd Qapısı ilə Çıldır qəsəbəsindəki Çıldır-Aktaş Gömrük Qapısının 1 iyundan etibarən vətəndaşların üzünə açılması bölgədə müsbət qarşılandı.

Hər iki ölkəyə getmək və gəlmək istəyənlərdən mənfi PCR testi ilə "COVID-19" peyvəndi arayışı istəniləcək.

Bundan başqa, hər iki sərhədi keçən vətəndaşlar olduqları ölkədə 3-cü gün yenə də test verməlidirlər".

Hüseyn