Region

Bu şəhərləri geri qaytaracağıq - Kadırov

11 Sentyabr 2022 10:18

Çeçenistan rəhbəri Ramzan Kadırov Rusiyanın Xarkov istiqamətində "itirdiyi" bütün şəhərlərin geri qaytarılacağını bildirib.

Publika.az xəbər verir ki, o, bu barədə özünün Teleqram kanalında audiomüraciətində bildirib.

Kadırovun sözlərinə görə, Rusiya Müdafiə Nazirliyi vəziyyətə aydınlıq gətirib və buna görə də onlar bu şəhərləri - İzyum, Kupyansk və Balakleyanı Xarkov istiqamətində tərk ediblər.

O qeyd edib ki, hərbi strategiyanın zəruri tədbiri insan həyatını xilas etməkdir.

"Mən, Ramzan Kadırov, rəsmi olaraq bəyan edirəm ki, bütün bu şəhərlər geri qaytarılacaq. Bu iş üçün xüsusi hazırlanmış xalqımız artıq oradadır, daha 10 min döyüşçünün yanına getməyə hazırdır. Biz yaxın vaxtlarda Odessaya çatacağıq və siz konkret nəticələr görəcəksiniz" - Çeçenistan rəhbəri bildirib.

Onun fikrincə, bir neçə şəhəri tərk etməyin də öz üstünlükləri var.

Akqabay