İstanbulda TERROR TƏHLÜKƏSİ: 15 İŞİD tərəfdarı saxlanıldı

Türkiyənin təhlükəsizlik qüvvələri İstanbulda İŞİD-in15 tərəfdarını Qərb konsulluqlarına və dini obyektlərə qarşı terror aktları hazırlamaqda şübhəli bilərək saxlayıb.

Publika.az xəbər verir ki, nu barədə "CNN Türk" məlumat yayıb.

Bildirilib ki, şübhəlilər İsveç və Niderland konsulluqlarına, habelə İstanbulda xristian və yəhudilərin ibadət yerlərinə hücum etmək barədə göstərişlər alıblar.

İstintaq zamanı saxlanılanların belə bir niyyətinin olmadığı müəyyən edilib. Lakin onların İŞİD-lə əlaqəsi təsdiqlənib.

Onların işi məhkəməyə aparılıb, dinləmələrdən sonra şübhəlilər tutularaq həbsxanaya göndərilib.

Yanvarın sonunda Böyük Britaniya, Almaniya və Niderlandın İstanbuldakı diplomatik nümayəndəlikləri bağlanıb və ziyarətçi qəbulunu dayandırıb. Qərar Avropada Quranın yandırılması ilə bağlı insidentlər fonunda İstanbulun mərkəzində terror aktları ola biləcəyi ilə bağlı amerikalıları xəbərdar etməsindən sonra verilib.

Türkiyə Daxili İşlər Nazirliyinin rəhbəri Süleyman Soylu buna cavab olaraq bildirib ki, Qərb Türkiyəyə qarşı psixoloji müharibə aparır. Onun fikrincə, terror təşkilatlarını maliyyələşdirən Vaşinqtondur. O , Amerikanın Ankaradakı səfirini ölkədən "çirkli əllərini çəkməyə" çağırıb.

Hüseyn İbadlı