Region

Pensiyalarla bağlı mühüm xəbər: aprelin 1-dən...

18 Mart 2023 11:45

Rusiya hökumətinin qərarına əsasən, aprelin 1-dən ölkədə sosial pensiyalar əlavə olaraq 3,3 faiz indeksləşdiriləcək.

Publika.az xəbər verir ki, müvafiq fərman hökumətin hüquqi informasiyanın rəsmi internet portalında dərc olunub.

“Sosial pensiyaların indeksasiya əmsalı 2023-cü il aprelin 1-dən 1, 033 miqdarında təsdiq edilsin” - sənəddə deyilir.

Rusiya Federasiyasının Əmək və Əhalinin Sosial Müdafiəsi Nazirliyinin mətbuat xidmətinin yaydığı məlumata görə, 2022-ci ilin birinci yarısında yüksək inflyasiya templəri fonunda hakimiyyət bir sıra sosial müavinətləri mərhələli şəkildə artırmaq qərarına gəlib.

Adətən, sosial pensiyaların indeksləşdirilməsi ildə bir dəfə - aprelin 1-də həyata keçirilir. Lakin bu dəfə proses iki mərhələdə baş verir: 2022-ci il iyunun 1-də 10 faiz artım olub, aprelin 1-dən isə daha 3,3 faiz indeksləşdiriləcək. Ümumilikdə, il üçün bu ödənişlərin artımı 13,6 təşkil edəcək.

Murad