Region

İranın birinci vitse-prezidenti Ermənistanda Paşinyanla görüşdü

1 Oktyabr 2024 20:00

Ermənistanın baş naziri Nikol Paşinyan ölkdədə səfərdə olan İranın birinci vitse-prezidenti Məhəmməd Rza Arefi qəbul edib.

Publika.az xəbər verir ki, bu barədə Ermənistan mediası məlumat yayıb. Görüşdə Aref İranın Ermənistanla çoxqütblu əməkdaşlığı inkişaf etdirməyə hazır olduğunu qeyd edib.

Paşinyan Ermənistan və Azərbaycan arasında sülh danışıqlarının gedişi barədə məlumat verib. O, həmçinin regional kommunikasiyaların açılmasına yönəlmiş “Sülhün kəsişməsi” layihəsi haqqında danışıb.

“İranla əlaqələrin inkişafı Ermənistan hökumətinin prioritetlərindən biridir. Ermənistan suverenlik, universal yurisdiksiya, bərabərlik və qarşılıqlılıq prinsipləri əsasında maraqlı ölkələrlə ticari-iqtisadi əlaqələrin inkişafına yardım etməyə hazırdır”, - o, deyib.

Qeyd olunub ki, görüşdə həmçinin ikitərəfli ticari-iqtisadi əlaqələr, enerji, infrastruktur, yol tikintisi və turizm sahələrində əməkdaşlıq məsələləri də müzakirə edilib.