Azərbaycan və Ermənistana münasibət fərqlidir: Gürcüstan Avropa İttifaqından narazıdır

Avropa Xarici Fəaliyyət Xidmətinin Mərkəzi Asiya və Şərq Tərəfdaşlığı ölkələrinin - Azərbaycan, Türkiyə, Ermənistan, Türkmənistan, Özbəkistan, Tacikistan, Qazaxıstan və Qırğızıstanın xarici işlər nazirlərini dəvət etdiyi, oktyabrın 20-də Lüksemburqda keçirilməsi planlaşdırılan görüşündə Gürcüstan səfirlər səviyyəsində iştirak etməyəcək.

Publika.az xəbər verir ki, Gürcüstanın Birinci Kanalının məlumatına görə, bu barədə Gürcüstan Xarici İşlər Nazirliyinin bəyanatında deyilir.

"Bu mövzunun əhəmiyyətini və Gürcüstanın əlaqə məsələlərində rolunu nəzərə alaraq, səfirlər səviyyəsində nazirlərin görüşünə dəvət qəbuledilməzdir və belə bir yanaşmanın məntiqi qeyri-müəyyən olaraq qalır. Avropa Xarici Fəaliyyət Xidməti Gürcüstanın bu görüşdə iştirakla bağlı mövqeyi barədə bir neçə həftə əvvəl məlumatlandırılıb. Gürcüstanın həm regional təhlükəsizlik, həm də əlaqə məsələlərindəki rolunu nəzərə alaraq, həm regional təhlükəsizlik, həm də əlaqə məsələlərində müvafiq səviyyədə müzakirə aparılmalıdır. Bu, Avropa İttifaqına üzv dövlətlərin marağında olmalıdır.

Avropa Xarici Fəaliyyət Xidməti tərəfindən planlaşdırılan nazirlər görüşünə səfirlər səviyyəsində Gürcüstana dəvət Avropa İttifaqı təsisatlarının ciddiyyətinin olmadığını nümayiş etdirir. Bu, təkcə geosiyasi deyil, həm də sadə coğrafi reallığa etinasızlığı nümayiş etdirir. Bu, Gürcüstanın Aİ-yə dəvət edilməsi məsələsindən, eləcə də radikal hadisələr, spekulyar siyasi məqsədlər üçün istifadə etmək cəhdidir. Ümid edirik ki, Aİ-yə üzv dövlətlərin əksəriyyəti geosiyasi ehtiyacları, Gürcüstanla tərəfdaşlığı, onun Avropa və Asiya arasındakı əlaqədəki rolunu yaxşı bilir və Avropa Xarici Fəaliyyət Xidmətinin Gürcüstanın iştirakına münasibətini bölüşmür”, - bəyanatda deyilir.

Tural