Türkiyə və Rusiya bu proqramı imzaladılar: 2029-cu ilə qədər...

Rusiya və Türkiyə iqtisadi və mədəni əməkdaşlığı gücləndirməyə yönəlmiş yeni üç illik əməkdaşlıq proqramı imzalayıblar.

Publika.az xəbər verir ki, bu barədə Rusiyanın Türkiyədəki səfirliyindən “RİA Novosti”yə bildirilib.

Xarici İqtisadi və Beynəlxalq Əlaqələr Departamentinin rəhbəri Sergey Çeremin başçılıq etdiyi nümayəndə heyəti Ankarada işgüzar səfərdə olub.

Çeremin Türkiyənin paytaxtının bələdiyyə sədri Mansur Yavaş ilə görüşüb. Danışıqların yekununda Moskva hökuməti ilə Ankara bələdiyyəsi arasında 2026-2029-cu illər üçün əməkdaşlıq müqaviləsi imzalanıb. Rusiya səfirliyi qeyd edib ki, Moskva və Ankara 1992-ci ildən bəri qardaş şəhər statusunu saxlayırlar.

Həmin gün Ankara Ticarət Palatasında hər iki ölkənin biznes nümayəndələrinin iştirakı ilə “Moskva – Ankara: Tərəfdaşlığın yeni mərhələsi” adlı konfrans keçirilib. Səfərin mədəni hissəsinə Vyaçeslav Eylenkriqin caz qrupunun konserti və “Müasir Moskva” fotosərgisinin açılışı daxildir. Rusiya Federasiyasının Türkiyədəki müvəqqəti işlər vəkili Aleksey İvanov qonaqlara salamlama nitqi söyləyib.

Çərşənbə günü Çeremin şəhərin mərkəzi parklarından birində yerləşən Moskva-Ankara Dostluq Xiyabanını ziyarət edib və burada yerli hakimiyyət orqanları ilə abadlıq planlarını müzakirə edib.

Tural